1 Tesalonicenses

2 Achiʼel itaman, xqatäj poqän pa Filipos rma xyaʼöx kʼayewal pa qawiʼ, ye kʼa ri qaDios xqrtoʼ rchë ma xqaxiʼij ta qiʼ xqatzjoj ri utziläj taq rtzjol chrij Dios chiwä tapeʼ kan ye kʼïy xkajoʼ xojkiqʼät rchë nqaʼän riʼ. 4 Pa rkʼexel riʼ, rma Dios ütz yojurtzʼeton chqä ryaʼon qa ri ütz taq rtzjol pa qaqʼaʼ, röj ma yeqayaʼ ta naʼoj rchë ütz yojkitzʼët ri winäq, xa kan rchë ütz nqrtzʼët Dios, ri nutzʼët achkë kʼo pa qan. 6 Chqä ma qabʼanon ta chë ri achiʼaʼ nkiyaʼ qaqʼij röj —ni rïx ni ri nkʼaj chik—, tapeʼ kʼo ta rma xqakʼutuj päq chiwä rma yoj rapóstoles Cristo, ye kʼa riʼ xa ta jun ejqaʼn xuʼän pan iwiʼ. 7 Pa rkʼexel riʼ, röj kan ütz qanaʼoj xqaʼän iwkʼë, kan achiʼel jun teʼej ri nuyaʼ rtzʼun ri ral chqä kan rkʼë ajowabʼäl nuchajij wä. 8 Rma riʼ, rma kan xixqajoʼ, xqayaʼ chwäch qan chë ma xa xuʼ ta nqatzjoj ri utziläj taq rtzjol chiwä ri ye petenäq rkʼë Dios, xa kan xqajoʼ chqä xqayaʼ qakʼaslemal iwmä rïx, rma kan kowan xixqajoʼ. 13 Rma riʼ röj chqä ronojel mul nqatyoxij che rä Dios, rma taq rïx xik’oxaj rchʼaʼäl Dios —ri xik’oxaj qmä röj—, ma xi’ij ta chë xa rchʼaʼäl jun winäq, xa kan rchʼaʼäl Dios xitzʼët, ri najin chqä nsamäj pan ik’aslemal rïx, ri inman pä Dios. 19 Rma, ¿achkë nkʼuqbʼan qakʼuʼx röj, achkë nyaʼö kiʼkʼuxlal chqë o achkë riʼ ri qacorona ri xtbʼanö chë kiʼ qakʼuʼx xtqaʼän chwäch Jesús, ri Qajaw, ri qʼij xtpë? ¿Ma yïx ta komä rïx? 20 Jaʼ, yïx rïx ri yixyaʼö qachqʼaʼ chqä ri kiʼkʼuxlal chqë.