Gálatas

9 Ma timestaj ta chë tapeʼ xa jbʼaʼ chʼäm naksaj, re chʼäm reʼ nbʼä chpan jontir ri keʼen. 16 Rma riʼ, nbʼij reʼ chiwä: tikʼwaj ikʼaslemal kan achiʼel nqä chwäch Dios, ke riʼ ma yë ta rraybʼal ichʼakul xtiʼän. 19 Ye kʼa, ri rbʼanobʼal ri chʼakulaj kan yeqʼalajin, y ya riʼ ri tzʼil taq bʼanobʼäl, ri nakʼwaj jun kʼaslemal ri ma chʼajchʼöj ta, ri majun chik akʼixbʼal ta rchë yeʼaʼän itzel taq bʼanobʼäl, 20 ri nayaʼ kiqʼij tyox, ri naʼän itzinïk, ri naʼän akʼulel chkë ri winäq, ri naʼän chʼaʼoj kikʼë, ri itzel nanaʼ chkë xa rma ri najin nkïl, ri kan chanin nkatäj ayowal, ri chaq chʼaʼoj nawajoʼ, ri naʼän chë ri winäq ma jnan ta nuʼän kiwäch, ri yeʼamöl winäq rchë nichʼër äl iwiʼ rkʼë ri kantzij, 21 ri itzel nanaʼ che rä jun winäq xa rma ri achkë kʼo rkʼë, ri qʼabʼarïk, ri nmaqʼij ri akuchï ma nkiqʼïl ta kiʼ ri winäq y bʼanobʼäl achiʼel riʼ. [...] 22 Ye kʼa ri naʼoj ri yewachin rkʼë ri loqʼoläj rchqʼaʼ Dios ya riʼ ri yajowan, kiʼ akʼuʼx naʼän, njeʼ uxlanen awkʼë, yakochʼon, ütz anaʼoj naʼän kikʼë ri nkʼaj chik, naʼän utzil chkë, nakʼüt chë akʼuqbʼan akʼuʼx chrij Dios, 23 chë ma qʼaqʼ ta ajolon chqä chë naqʼïl awiʼ. Majun ta jun pixaʼ ri más rqʼij chkiwäch ri naʼoj riʼ. 26 Ma xa xuʼ ta röj tqaquʼ qa qij, rma xa nuʼän chqë chë xtqajoʼ xtq·ok naʼäy chkiwäch ri nkʼaj chik chqä xa xtuʼän chë xtqatzelaj qiʼ.