Juan

9 «Aweʼ kʼo jun akʼal ri kʼo 5 kaxlanwäy rkʼë ri bʼanon rkʼë cebada chqä kaʼiʼ kär. Ye kʼa ya reʼ ma xtqʼiʼ ta rchë xketzuq jontir re winäq reʼ». 11 Jesús xkʼän apü ri kaxlanwäy, xtyoxin che rä Dios y xjäch chkë ri ye tzʼyül wä chriʼ. Ke riʼ chqä xuʼän kikʼë ri kär, y ri winäq xkitäj jontir ri xkajoʼ. 12 Taq xenuj, ryä xuʼij ya reʼ chkë rtzeqelbʼëy: «Timoloʼ jontir ri xtotäj qa, rchë ke riʼ majun ta xttzʼil·öx». 13 Rma riʼ, ryeʼ xkimöl jontir riʼ chqä xkinujsaj 12 chakäch rkʼë ri ma xkitäj ta chik ri winäq ri xewaʼ rkʼë ri 5 kaxlanwäy ri yebʼanon rkʼë cebada. 14 Taq ri winäq xkitzʼët ri milagro xuʼän, xkiʼij: «Ya laʼ ri Profeta ri kʼo wä chë npë». 15 Rma Jesús rtaman wä chë ri winäq xkepë chrij rchë xtkiʼän qʼatöy tzij che rä, xbʼä äl chik jmul pa jyuʼ ryä ryonïl. 16 Taq xok aqʼaʼ, rtzeqelbʼëy xexle’ qa chuchiʼ mar, 17 xejoteʼ pa jun barco y jïk xebʼä Capernaúm. Ri hora riʼ ya qʼequʼn wä chik chqä Jesús majanä wä tapon kikʼë. 18 Y xpë kowan rwiʼ yaʼ rma kowan rchqʼaʼ ri kaqʼiqʼ. 19 Taq ye bʼenäq wä chik jun 5 o 6 kilómetros pa rwiʼ yaʼ, xkitzʼët Jesús najin nbʼiyïn pa rwiʼ mar chqä bʼenäq akuchï kʼo wä ri barco, y ryeʼ kowan xkixiʼij kiʼ. 20 Ye kʼa ryä xuʼij ya reʼ chkë: «¡Xa rïn yïn kʼo aweʼ! ¡Ma tixiʼij ta iwiʼ!». 26 Jesús xuʼij chkë: «Kan chöj nbʼij chiwä chë rïx ma najin ta yinikanuj rma xitzʼët ri milagros xenbʼän, xa najin niʼän riʼ rma xitäj ri kaxlanwäy xinyaʼ chiwä chqä xixnuj. 27 Ma kixsamäj ta rma ri wäy ri xa nchaʼ chiʼ, xa kan kixsamäj rma ri wäy ri ma nchaʼ ta chiʼ chqä nuyaʼ kʼaslemal ri ma xtkʼis ta, ri nyaʼ rïn chiwä, ri Ralkʼwal Winäq. Kan yë Dios, ri Ntataʼ, yayon qʼij chwä rchë nbʼän riʼ». 28 Rma riʼ, ryeʼ xkikʼutuj che rä: «¿Achkë nkʼatzin nqaʼän rchë nqaʼän ri nrajoʼ Dios?». 29 Y Jesús xuʼij chkë: «Ya reʼ nrajoʼ Dios: chë rïx nikʼüt chë ikʼuqbʼan ikʼuʼx chwij rïn, ri yitaqon pä rma ryä». 30 Chrij riʼ, xkiʼij ya reʼ che rä: «¿Y achkë milagro xtaʼän rït rchë xtqanmaj atzij? ¿Achkë qäs yeʼaʼän rït? 31 Ri qatiʼt qamamaʼ xkitäj maná taq xejeʼ chwäch ri tzʼiran ilew, kan achiʼel tzʼibʼatäl qa: ‹Xyaʼ ri kaxlanwäy rchë chkaj chkë rchë xkitäj›». 32 Jesús xuʼij chkë: «Kan chöj nbʼij chiwä chë Moisés ma yë ta ri kaxlanwäy rchë chkaj xyaʼ chkë ryeʼ, ye kʼa Ntat kan yë ri kaxlanwäy rchë chkaj xtyaʼ chiwä rïx. 33 Rma ri kaxlanwäy ri nuyaʼ Dios ya riʼ ri xqä pä chkaj chqä ri xtyaʼ kikʼaslemal ri winäq». 35 Jesús xuʼij chkë: «Yïn rïn ri kaxlanwäy ri nuyaʼ kʼaslemal. Ri xtpë wkʼë rïn majun bʼëy chik xtpë ta rnmik, y ri nukʼüt chë rkʼuqbʼan rkʼuʼx chwij rïn, majun bʼëy chik xtchaqiʼj ta rchiʼ. 37 Jontir ri yeryaʼ Ntataʼ chwä xkepë wkʼë, y ri xtpë wkʼë majun bʼëy xtinyaʼ ta qa. 38 Rma ma xiqä ta pä chkaj rchë nbʼän ri nwajoʼ rïn, xa kan rchë nbʼän ri nrajoʼ Dios, ri xitaqö pä. 39 Ya reʼ ri rraybʼal ri xitaqö pä: chë kenchajij ri ye ryaʼon ryä chwä, chqä chë kenkʼasoj pä chkikojöl ri kamnaqiʼ chpan ri rkʼisbʼäl qʼij. 40 Rma ya reʼ nrajoʼ Ntat: chë xa bʼa achkë winäq ri xtnman chë rïn yïn Rkʼajol Dios y xtkʼüt chë rkʼuqbʼan rkʼuʼx chwij, xtyaʼöx rkʼaslemal ri majun bʼëy xtkʼis ta, y rïn xtinkʼasoj pä chpan ri rkʼisbʼäl qʼij». 44 Majun ta jun winäq nkowin npë wkʼë; xa xuʼ xtkowin xtuʼän riʼ we Ntat, ri xitaqö pä, nkʼamö pä rchë, y rïn xtinkʼasoj ri winäq riʼ chkikojöl ri kamnaqiʼ chpan ri rkʼisbʼäl qʼij. 45 Ya riʼ xkitzʼibʼaj qa ri Profetas: ‹Jontir ryeʼ xketjöx rma Jehová›. Jontir ri nkiyaʼ kixkïn che rä Ntataʼ chqä yetjöx rma ryä xkepë wkʼë rïn. 51 Yïn rïn ri kaxlanwäy ri nuyaʼ kʼaslemal ri xiqä pä chkaj. We jun chiwä rïx xttäj re kaxlanwäy reʼ, majun bʼëy xtkäm ta. Nbʼij riʼ rma ri kaxlanwäy ri xtinyaʼ rïn rchë xkekʼaseʼ ri winäq, ya riʼ nchʼakul». 53 Rma riʼ Jesús xuʼij chkë: «Kan chöj nbʼij chiwä chë, we ma nitäj ta nchʼakul chqä nkikʼel rïn, ri Rkʼajol ri Achï, majun ta ikʼaslemal xtiwïl. 57 [...] Yïn kʼäs rma ri Ntataʼ ri kʼo chkaj [...] 60 Rma riʼ, ye kʼïy chkë ri rtzeqelbʼëy taq xkikʼoxaj ri xuʼij, xa xkiʼij: «Re tzijonem reʼ kan itzel, ¿achkë xtkʼoxan rchë?». 66 Rma riʼ, ye kʼïy rtzeqelbʼëy xkiyaʼ qa y xkiʼän chik jmul ri kibʼanon wä qa. 67 Rma riʼ Jesús xkʼutuj reʼ chkë ri 12 rtzeqelbʼëy: «Y rïx, ¿niwajoʼ chqä yixbʼä äl?». 68 Simón Pedro xuʼij: «Wajaw, ¿achoq rkʼë nqbʼä wä? Xa xuʼ rït yatzjü ri kʼaslemal ri majun bʼëy xtkʼis ta. 69 Röj qanman chqä qataman chë yït rït ri Chaʼon rma Dios».