1 Juan

3 ¡Röj kan kowan nqjowäx rma ri Qatat, rma riʼ nbʼix ralkʼwal Dios chqë! Y kan ya riʼ wä qabʼanik rkʼë. Rma riʼ ri winäq ma kitaman ta qawäch rma ma kitaman ta rwäch ryä. 2 Wachʼalal, komä ya yoj chik ralkʼwal Dios, ye kʼa majanä tqʼalajin achkë qabʼanik xtqbʼeʼok chqawäch apü. Qataman chë taq ryä xtbʼeqʼalajin pä, röj xtqbʼeʼok achiʼel ryä, rma xtqatzʼët kan achkë wä rbʼanik ryä. 8 Ri nsmajin ri mak petenäq rk’ë ri Itzel Winäq, rma ri Itzel Winäq kan pa na’äy rsmajin pä ri mak. Ri Rk’ajol Dios xpë rchë nuyüj ri rsamaj ri Itzel Winäq. 15 Xa bʼa achkë winäq ri itzel nunaʼ che rä rchʼalal xa jnan rkʼë jun ri nkamsan, y rïx itaman chë ri yekamsan ma xtkïl ta ri kʼaslemal ri majun bʼëy xtkʼis ta. 18 Walkʼwal, ma xa xuʼ ta tqaʼij chë nqjowan, kan tqakʼutuʼ rkʼë ri yeqaʼän chë kantzij nqjowan. 19 Ke riʼ xtqatamaj chë röj kan yë ri kantzij taq naʼoj yeqanman chqä xtqayaʼ chwäch qan chë Dios nqrajoʼ, 20 yajün taq kʼo nbʼanö chqë chë ntiʼon qan, rma Dios más nüm chwäch qan chqä rtaman ronojel. 23 Y kan ya reʼ ri rpixaʼ: chë tqakʼuqbʼaʼ qakʼuʼx chrij rbʼiʼ Rkʼajol, ri ya riʼ Jesucristo, chqä chë tqajowalaʼ qiʼ chqawäch, kan achiʼel xuʼij qa ryä.