Salmos

34 Ronojel mul xtinyaʼ rqʼij Jehová; ri nchiʼ kan ronojel mul xtyaʼ rqʼij. 2 Kan jaʼäl xtinnaʼ xtintzjoj rnaʼoj Jehová; [...] 3 Jnan tqayaʼ rqʼij Jehová; kan jnan tqayaʼ rqʼij rbʼiʼ. 4 Rïn xinkʼulbʼej Jehová, y ryä xyaʼ pä chwä ri xinkʼutuj che rä. Ryä xirtoʼ pä rchë ma xinxiʼij ta chik wiʼ. 7 Ri r·ángel Jehová yerchajin ri ma nkiqasaj ta rqʼij rbʼiʼ Dios, y kan yerköl. 8 Titzʼetaʼ chë Jehová kan ütz rnaʼoj; kiʼ rkʼuʼx ri winäq ri nukanuj rtoʼik rkʼë. 9 Tixiʼij iwiʼ chwäch Jehová, jontir rïx ri yixurchaʼon ryä rchë niyaʼ rqʼij, rma ri nkixiʼij kiʼ chwäch ryä majun ta jun ri ma ta kʼo kikʼë. 10 Yajün ri köj ri ye nmaʼq chqä ri kowan kichqʼaʼ kiqʼaxan nmïk, ye kʼa ri yekanun Jehová majun ta jun ütz ri ma ta xtjeʼ kikʼë. 11 Kixampä walkʼwal y tiyaʼ ixkïn chwä; xtinkʼüt chiwäch achkë rbʼanik nixiʼij iwiʼ chwäch Jehová. 17 Ryeʼ kan rkʼë kuw kichʼaʼäl xkikʼutuj kitoʼik, y Jehová xerkʼoxaj; ryä xerköl chwäch jontir ri nbʼanö chë nchʼpü kikʼuʼx (yemayon). 18 Jehová naqaj kʼo wä chkë ri kan poqän rnaʼon kan; ryä yerköl ri kan kowan najin yebʼison. 19 Kan kʼïy kʼayewal nuqʼaxaj jun winäq ri chöj rkʼaslemal, ye kʼa Jehová nuköl chkiwäch jontir ri kʼayewal riʼ.