Mateo

16 Taq kʼo wä chriʼ, xejelun pä ri fariseos chqä ri saduceos rkʼë; ryeʼ xkiʼij che rä chë tkʼutuj che rä Dios chë tyaʼ pä jun retal ri xtkʼutü chë yë wä ryä ri chaʼon rma Dios. 16 Simón Pedro xuʼij: «Rït riʼ ri Cristo, ri Rkʼajol ri kʼaslïk Dios». 22 Pedro xkʼwaj äl Jesús y pa ryonïl xchapon che rä, y xuʼij: «¡Ajaw, tajyowaj qa awäch! Ya riʼ majun bʼëy xtbʼanatäj ta awkʼë rït». 23 Ye kʼa Jesús xyaʼ qa rij chwäch Pedro chqä xuʼij che rä: «¡Kabʼiyïn ke laʼ, Satanás! Rït xa yït achiʼel jun abʼäj pa nbʼey, rma ma najin ta yachʼobʼon achiʼel nchʼobʼon Dios, xa najin yachʼobʼon achiʼel yechʼobʼon ri winäq». 24 Kʼa riʼ taq Jesús xuʼij chkë ri rtzeqelbʼëy: «We kʼo jun chiwä rïx nrajoʼ ntok ntzeqelbʼëy, ma tuʼän ta chik ri nqä chwäch ryä, tkʼwaj rcheʼ rchë tijöj poqonal chqä ronojel mul kirtzeqelbʼej.