Juan

11 Ye k’a María xkanaj qa chuchiʼ ri jül chqä kowan wä najin ntoqʼ. Taq ryä najin wä ntoqʼ, xwkeʼ qa rchë xtzuʼun apü chpan ri jül 12 y xtzʼët kaʼiʼ ángeles ri säq kitzyaq ri ye tzʼyül akuchï xjeʼ wä rchʼakul Jesús; jun ángel tzʼyül akuchï xjeʼ wä rjolon y le jun chik akuchï xjeʼ wä raqän. 13 Y ryeʼ xkikʼutuj ya reʼ che rä: «Noya, ¿achkë rma najin yatoqʼ?». Ryä xuʼij chkë: «Rma xkʼwäx äl Wajaw y ma ntaman ta akuchï xbʼeyaʼöx wä». 14 Taq ryä xuʼij ya riʼ, xtzuʼun chrij y xtzʼët chë Jesús paʼäl chriʼ, ye kʼa ma xtamaj ta rwäch. 15 Jesús xuʼij reʼ che rä: «Noya, ¿achkë rma najin yatoqʼ? ¿Achkë najin nakanuj?». Ryä, rma xquʼ chë yë ri njosqʼin rpan ri kotzʼiʼj najin ntzjon rkʼë, xuʼij: «Tat, we rït xatekʼwan rchë, taʼij chwä akuchï xayaʼ wä rchë ke riʼ nkʼwaj äl». 16 «¡María!», xuʼij Jesús. Taq María xtzuʼun chrij chqä xtzolin pä, xuʼij che rä pan hebreo: «¡Rabbóni!» (ri ntel chë tzij «tijonel»). 17 [...] Rïn xkibʼä rkʼë Ntataʼ chqä ri Itataʼ rïx, rkʼë nDios chqä iDios rïx›». 21 Jesús xuʼij chik jmul ya reʼ chkë: «Xok aqʼaʼ. Achiʼel xuʼän Ntat ri xirtäq pä rïn, rïn chqä yixintäq äl rïx».