Lucas

34 Ye kʼa Jesús xuʼij: «Tat, takyuʼ kimak, rma ma kitaman ta achkë najin nkiʼän». [...] 39 Ya riʼ taq jun chkë ri alqʼomaʼ ri yetzeqebʼan wä chriʼ kan itzel rbʼanik xtzjon che rä. Ryä xuʼij: «Yït rït ri Cristo ¿tapeʼ? We ke riʼ, ¡takoloʼ awiʼ rït chqä kojakoloʼ röj!». 40 Taq xkʼoxaj riʼ, ri jun chik xchapon che rä. Ryä xuʼij: «¿Kan ma naxiʼij ta jbʼaʼ awiʼ chwäch Dios, rït ri awlon re kʼayewal reʼ chqä? 41 Röj kan taqäl chqij xqïl re kʼayewal reʼ, rma najin nqatöj ri mak xeqaʼän, ye kʼa re achï reʼ kan majun ta mak rbʼanon». 42 Y kʼa riʼ xuʼij: «Jesús, kinatäj chawä taq xkatok chpan ri Aqʼatbʼäl Tzij». 43 Y ryä xuʼij che rä: «Kantzij nbʼij chawä komä, xkajeʼ wkʼë chwäch ri Kotzʼijaläj Ilew». 46 Ya riʼ taq Jesús kan rkʼë kuw rchʼaʼäl xuʼij: «¡Tat, pan aqʼaʼ rït nyaʼ wä qa ri nkʼaslemal!». Taq xuʼij riʼ, xkäm.