Salmos

2 Kan kiʼ kikʼuʼx ri winäq ri nkismajij rpixaʼ ryä, ri kan rkʼë ronojel kan nkikanuj ryä. 9 ¿Achkë kʼo chë nuʼän jun kʼajol rchë nukʼwaj jun jïk kʼaslemal? Kʼo chë nuchajij riʼ chqä nusmajij achʼaʼäl. 18 Tajaqaʼ nwäch rchë rïn xkikowin xtintzʼët ri kʼo chpan apixaʼ, ri kan kowan jaʼäl. 32 Kan xtintäj nqʼij xtinsmajij ri apixaʼ, rma rït kan abʼanon chë rïn nrayij nbʼän riʼ. 34 Tabʼanaʼ chë nqʼax apixaʼ chi nwäch, rchë ke riʼ kan xtinbʼän ri nuʼij chqä kan rkʼë ronojel wan xtinsmajij. 35 Kinakʼwaj chpan rbʼey ri apixaʼ, rma kan janina nqa chi nwäch. 37 Kinatoʼ rchë nwesaj nwäch chrij ri majun nkʼatzin wä; kinatoʼ rchë yibʼä chpan abʼey, rchë ke riʼ xkikʼaseʼ. 50 Reʼ kan nkʼuqbʼaʼ nkʼuʼx taq najin ntäj poqän, rma ri achʼaʼäl kibʼanon chë ma yïn kamnäq ta. 51 Tapeʼ ri winäq ri kowan nkinaʼ kiʼ kan kowan yetzeʼen chwij, rïn ronojel mul nsmajij apixaʼ. 52 Rïn kan nnatäj chwä Jehová achkë rbʼanik xaqʼät tzij pa kiwiʼ ri winäq ojer, y ya riʼ kan nkʼuqbʼaʼ nkʼuʼx. 59 Ntzʼeton pä achkë bʼey nkʼwan rchë ronojel mul nbʼän ri nuʼij Achʼaʼäl. 60 Rïn kan chanin nsmajij ri apixaʼ. 63 Rïn yïn kichiʼil jontir ri ma nkiqasaj ta aqʼij, y ri kan nkiʼän ri nuʼij ri achʼaʼäl. 66 Tayaʼ nnaʼoj chqä takʼutuʼ chi nwäch achkë kʼo chë nbʼän, rma rïn kan nkʼuqbʼan nkʼuʼx chrij ri apixaʼ. 68 Rït kan ütz anaʼoj chqä najin naʼän ri ütz. Takʼutuʼ ri apixaʼ chi nwäch. 81 Rïn kan nrayij yinaköl, rma ri achʼaʼäl ya riʼ nyaʼö kʼuqbʼäl kʼuʼx chwä. 97 ¡Janina nwajoʼ ri apixaʼ! Chë jun qʼij yichʼobʼon chrij. 98 Ri apixaʼ nuʼän chë más nnaʼoj chkiwäch ri nkʼulel rma kan pa qʼij chë chaqʼaʼ kʼo wkʼë. 99 Rbʼanon chwä chë más nnaʼoj chkiwäch ri ntijonelaʼ rma yichʼobʼon chrij ri apixaʼ. 100 Kʼo más nnaʼoj chkiwäch ri achiʼaʼ ri kʼo chik kijnaʼ rma yensmajij ri apixaʼ. 101 Ma nwajoʼ ta yibʼä chpan xa bʼa achkë bʼey ri ma ütz ta, rchë ke riʼ yikowin nsmajij ri achʼaʼäl. 103 ¡Rïn kan jaʼäl nnaʼ chkë ri atzij, más chwäch ri ryiʼal kabʼ! 105 Ri achʼaʼäl achiʼel jun kantil ri nukʼüt akuchï nyaʼ wä waqän y jun saqïl ri nsaqirsaj nbʼey. 111 Ye nkʼül apü ri atzij y kan wchë rïn xtinbʼän chkë, rma kan ya riʼ yeyaʼö kiʼkʼuxlal pa wan. 112 Nyaʼon chwäch wan chë ronojel mul xtinmaj atzij chpan nkʼaslemal. 128 Rma riʼ kan ütz ntzʼët che rä jontir ri naʼij chwä y kan itzel ntzʼët che rä ri ma ütz ta. 138 Ri pixaʼ yeʼayaʼ kan ye chöj chqä kan ütz nakʼuqbʼaʼ akʼuʼx chkij. 144 [...] Tayaʼ nnaʼoj, rchë ke riʼ xkikʼaseʼ. 145 Kan rkʼë ronojel wan nkʼutuj ntoʼik chawä. Kinatoʼ pä, nimaläj Jehová. Rïn kan xtinsmajij apixaʼ. 160 Ri rxeʼel ri achʼaʼäl, ya riʼ ri kantzij; y ri apixaʼ kan ronojel mul xkekʼatzin. 161 Ye kʼo kalkʼwal ri qʼatöy taq tzij ri majun rma nkiyaʼ kʼayewal pa nwiʼ, ye kʼa ri achʼaʼäl nuʼän chwä chë nwajoʼ nyaʼ aqʼij. 163 Kan itzel ntzʼët che rä jontir ri ma tzij ta. Ye kʼa kan kowan nwajoʼ apixaʼ. 165 Ri janina nkajoʼ apixaʼ kan xtkinaʼ uxlanen pa kan; majun ta jun xtbʼanö chkë chë xketzaq. 167 Rïn nyaʼ nxkïn che rä apixaʼ rma kan kowan nloqʼoqʼej. 168 Rïn nmaj atzij chqä nsmajij apixaʼ rma rït kan natzʼët pä ri yenbʼän. 176 Rïn xinsäch nbʼey kan achiʼel nuʼän jun karneʼl taq nusäch rbʼey. Katampä chukanuxik ri asamajel, rma rïn ma yenmestan ta qa ri apixaʼ.