Habacuc

16 Taq xinkʼoxaj, ri npan achiʼel ta kan xpiskolij riʼ; ri xqʼajan kan xuʼän chë xbʼarbʼot ri nchiʼ; ri nbʼaqil achiʼel ta xeqʼäy; ri waqän kan xebʼarbʼot. Ma xtinchʼujirsaj ta wiʼ, xa xuʼ xtinyoʼej ri kʼayewal xtpë, rma xtpë pa kiwiʼ ri xtkibʼebʼanaʼ chʼaʼoj qkʼë. 17 Tapeʼ ri rcheʼel higos ma xtsijan ta y ri rcheʼel uva majun ta rwäch xtyaʼ; tapeʼ ri olivo ma xtwachin ta y ri ilew majun chik xtkʼïy ta chwäch; tapeʼ ri karneʼl ma xkelitäj ta chik pa kikoral chqä pa kachoch wakx majun chik wakx xkelitäj; 18 tapeʼ ke riʼ, rïn kan kiʼ nkʼuʼx xtinbʼän rma Jehová, xtinnaʼ kiʼkʼuxlal rma ri Dios ri xtkolö wchë. 19 Jehová, ri Nimaläj Qʼatöy Tzij, ya riʼ ri wchqʼaʼ, yë ryä xtbʼanö chë ri waqän xtuʼän achiʼel raqän jun mazat, y xtuʼän chë xkibʼiyïn pa rwiʼ taq jyuʼ.