Deuteronomio

6 Ma tuʼän ta kaʼiʼ ikʼuʼx. Ma tixiʼij ta iwiʼ chkiwäch ryeʼ, rma Jehová ri iDios bʼenäq iwkʼë rïx. Ryä ma xkixuryaʼ ta qa». 7 Chrij riʼ, chkiwäch jontir ri israelitas, Moisés xskʼij Josué y xuʼij che rä: «Kuw kapaʼeʼ y ma taxiʼij ta awiʼ, rma rït ri xkatekʼwan bʼey chwäch ri tinamït rchë xkeʼapon chwäch ri ilew ri rutzujun Jehová chkë ri katiʼt kimamaʼ, y rït ri xkajachö ri ilew pa kiqʼaʼ. 8 Kan yë Jehová xtnabʼiyäj chawäch y ronojel mul xtjeʼ awkʼë. Majun bʼëy xkaryaʼ qa y majun bʼëy xkarmalij qa. Ma taxiʼij ta awiʼ nixta kamayamoʼ rma ri xbʼïn·ïl». 12 Keʼamoloʼ ri winäq —ri achiʼaʼ, ri ixoqiʼ, ri akʼalaʼ chqä ri kixqanen kiʼ awkʼë pan atinamit— rchë nkikʼoxaj chqä nkitamaj chrij Jehová ri kiDios, nkinmaj rtzij y nkismajij ronojel ri tzʼibʼatäl qa chpan re Pixaʼ reʼ. 13 Rchë ke riʼ ri kalkʼwal ryeʼ, ri ma kitaman ta chrij re Pixaʼ reʼ, xtkikʼoxaj y xtkitamaj xtkixiʼij kiʼ chwäch Jehová ri kiDios chpan ri tiempo ri xkixjeʼ rïx chwäch ri ilew ri xttok iwchë taq xtiqʼaxaj ri Jordán». 29 Rma rïn ntaman chë taq xkikäm, rïx kan kʼïy itzelal xtiʼän chqä xkixel qa chpan ri bʼey ri xinkʼüt qa rïn chiwäch. Y pa rkʼisbʼäl, xkepë kʼayewal chiwij rma kan xtiʼän ri ma nqä ta chwäch Jehová chqä xtitïk ryowal rkʼë jontir ri xtiʼän».