¿Ronojel qʼij najin naskʼij ruwäch ri wuj Examinando las Escrituras diariamente?

¿Najin naskʼij ronojel qʼij ri texto chqä ri comentario ri kʼo chpan ri wuj Examinando las Escrituras diariamente? We ma najin ta naʼän, ütz nachäp ruskʼixik. Ye kʼïy qachʼalal nkiskʼij ri texto nmaqʼaʼ y nkiquʼ rij taq ye kʼo pa kisamaj jun qʼij (Jos 1:8; Sl 119:97). ¿Achkë ütz naʼän rchë más kʼïy natamaj chrij ri texto rchë ri qʼij? Taskʼij ru-contexto ri versículo rchë más nqʼax chawäch. Taquʼ rij rukʼaslemal jun winäq ri nutzjoj le Biblia ri xsmajij ri naʼoj kʼo chpan ri texto. Chrij riʼ, tasmajij ri naʼoj riʼ pa akʼaslemal. We nqaʼän riʼ, nqakʼüt chë najin nqayaʼ qʼij chë yë ri Ruchʼaʼäl Dios nukʼwan qabʼey (Sl 119:105).

Chpan ri Betel ri ye kʼo chwäch ronojel Ruwachʼulew, nskʼïx ri wuj Examinando las Escrituras diariamente ri hora rchë ri waʼin ri nbʼan nmaqʼaʼ. Kʼïy chkë ri texto ri yeqʼalajsan pa Betel ronojel qʼij yeyaʼon pä chpan ri JW Broadcasting^® (riʼ nawïl chpan ri peraj PROGRAMAS ESPIRITUALES.) ¿Ajän atzʼeton qa ruqʼalajsaxik jun chkë ri texto riʼ? Taq xatzʼët rkʼë jbʼaʼ xanaʼ chë kan ya riʼ ri nkʼatzin chawä ri qʼij riʼ. Tqatzʼetaʼ qa achkë naʼoj nuyaʼ qa chqawäch ri xbʼanatäj rkʼë Lot.

TAQ XATZʼËT YÄN RI VIDEO MA TBʼÄ TA QAN CHRIJ LE RUWACHʼULEW (1JN 2:15), KEʼAQʼALAJSAJ RE KʼUTUNÏK REʼ:

• ¿Achkë texto bíblico xtzjoj pä rij ri qachʼalal?

• Taq nqatzʼët ri xbʼanatäj rkʼë Lot, ¿achkë rubʼanik nukʼüt chqawäch chë ma ütz ta nbʼä qan chrij le Ruwachʼulew o ri ye kʼo chwäch? (Gé 13:12; 14:12; 19:3, 12, 13, 24-26).

• ¿Achkë rubʼanik nqakʼüt chë yë Jehová nqajoʼ y ma yë ta le Ruwachʼulew nixta ri ye kʼo chwäch?