«Keʼiwesaj äl jontir kiwäch tyox»

Jacob retaman wä chë xa xuʼ Jehová taqäl chrij rchë nyaʼöx ruqʼij, tapeʼ majanä kʼo wä jun pixaʼ ri nuʼij chë ma ütz nyaʼöx kiqʼij tyox (Éx 20:3-5). Rma riʼ, taq Jehová xuʼij che rä chë ttzolin pa Betel, Jacob xuʼij chkë ru-familia chqä ri ye kʼo rkʼë, chë tkesaj äl jontir kityox. Chrij riʼ, Jacob xerumüq qa pa ulew jontir ri tyox riʼ, yajün ri ruwiʼ xkinaj, ri rkʼë jbʼaʼ yeʼuksäx wä achiʼel amuletos (Gé 35:1-4). Kantzij na wä, Jehová janina xqä chwäch ri xuʼän Jacob.

Pa qaqʼij komä, ¿achkë ütz nqaʼän rchë xa xuʼ Jehová nqayaʼ ruqʼij? Naʼäy, kʼo chë nqachajij qiʼ chkiwäch ruyaʼik kiqʼij tyox chqä chwäch ri itzinïk. Reʼ ntel chë tzij chë kʼo chë nqachüp kiwäch jontir ri rukʼwan riʼ rkʼë ri itzinïk chqä nqaquʼ achoq chrij najin nqkʼastan wä. Jun tzʼetbʼäl, tqakʼutuj qa reʼ chqawäch: «¿Nskʼij kiwäch libros chqä yentzʼët películas ri kikʼwan kiʼ kikʼë vampiros, kamnaqiʼ ri yebʼiʼaj (zombis) o xa bʼa achkë chik jun ri junan bʼa kikʼë? ¿Nqä chi nwäch ri kʼastanen, ri achiʼel ta ma ye itzel ta, ri kikʼwän kiʼ rkʼë ri magia, ri ajqʼijaʼ o ri itz?». Röj kʼo chë nqatzelaj ronojel ri itzel nutzʼët Jehová (Sl 97:10).

TAQ XATZʼËT YÄN RI VIDEO «TIPABʼAʼ IWIʼ CHWÄCH RI DIABLO», KEʼAQʼALAJSAJ RE KʼUTUNÏK REʼ:

• 

  ¿Achkë kʼayewal xrïl jun winäq ri najin nutjoj riʼ chrij le Biblia rubʼiniʼan Vanesa?

• 

  ¿Achkë rma ütz nqakʼutuj kitoʼik ri ukʼwäy taq bʼey we jun winäq ri qataman ruwäch, jun tijoxel chrij le Biblia o röj qlon kʼayewal rkʼë ri itzinïk?

• 

  We nqajoʼ chë Jehová nqrchajij, ¿achkë kʼo chë nqachüp kiwäch?

• ¿Achkë xchaʼ xuʼän Vanesa ri janina rejqalen?

• Chpan atinamit, ¿achkë ütz naʼän rchë napabʼaʼ awiʼ chkiwäch ri demonios?