¿Achkë nqatamaj chkij ri qachʼalal ri kʼïy chik junaʼ kiyaʼon pä ruqʼij Jehová?

Chpan ri qa-congregación ye kʼo qachʼalal ri kʼïy chik junaʼ kiyaʼon pä ruqʼij Jehová. Röj kʼo kʼïy nqatamaj chrij ri rubʼanik kikʼuqbʼan pä kikʼuʼx chrij Jehová. Ütz nqakʼutuj chkë chrij ri ruqʼaxan pä ri rutinamit Dios y chrij ri rubʼanik xkipabʼaʼ kiʼ chkiwäch ri kʼayewal rkʼë rutoʼik Jehová. Taq nqayaʼ ruqʼij Dios pa qachoch, ütz nqaʼän invitar jun chkë ri qachʼalal riʼ rchë nutzjoj chqë achkë qäs ruqʼaxan pä pa rukʼaslemal.

We rït kʼïy chik junaʼ ayaʼon pä ruqʼij Jehová, tatzjoj chkë ri kʼojolaʼ ri aqʼaxan pä pa akʼaslemal. Jacob y José xkitzjoj chkë ri kalkʼwal chqä ri kïy kimam ri xuʼän Jehová kimä ryeʼ (Gé 48:21, 22; 50:24, 25). Chrij riʼ, Jehová xuʼij chkë ri teʼej tataʼaj chë tkitzjoj chkë ri kalkʼwal ri nimaläj taq bʼanobʼäl ye rubʼanon ryä (Dt 4:9, 10; Sl 78:4-7). Pa qaqʼij komä, ri teʼej tataʼaj chqä ri nkʼaj chik cristianos ri ye kʼo pa congregación, ütz nkitzjoj chkë ri kʼojolaʼ ri nimaläj taq bʼanobʼäl ye rubʼanon Jehová chpan ri rutinamit.

TAQ XATZʼËT YÄN RI VIDEO JUNAN KIWÄCH XKIʼÄN TAPEʼ XYAʼÖX KʼAYEWAL PA KIWIʼ, KEʼAQʼALAJSAJ RE KʼUTUNÏK REʼ:

• ¿Achkë xuʼän ri sucursal rchë Austria rchë xerutoʼ ri qachʼalal ri ye kʼo wä chkipan ri tinamït akuchï xqʼat chkiwäch nkitzjoj le Biblia?

• ¿Achkë xkiʼän re qachʼalal reʼ rchë ma xkʼis ta qa ruchqʼaʼ ri kikʼuqbʼäl kʼuʼx?

• ¿Achkë rma xkijäch äl kiʼ rkʼë ri rutinamit Jehová ye kʼïy publicadores aj Rumania, y achkë xbʼanö chkë chë xetzolin pä?

• ¿Achkë rubʼanik nukowirsaj ri akʼuqbʼäl kʼuʼx re video reʼ?