RI BʼEYOMÄL YEQÏL CHPAN LE BIBLIA | ÉXODO 39 Y 40

Moisés xuʼän kan achiʼel xbʼix che rä

Moisés xuʼän kan achiʼel xuʼij Jehová che rä rkʼë ri rubʼanik xuʼän ri tabernáculo. Röj chqä kʼo chë kan rkʼë kiʼkʼuxlal nqaʼän ri nuʼij pä rutinamit Jehová chqë. Kʼo chë nqaʼän riʼ tapeʼ ri nuʼij pä chqë, ma kan ta kʼo rejqalen chqawäch röj o ma nqʼax ta chqawäch achkë rma nukʼutuj riʼ chqë (Lu 16:10).

¿Achkë rma kʼo chë yeqasmajij ri naʼoj yeyaʼöx chqë...

... chkipan ri moloj yebʼan taq nq-el chutzjoxik le Biblia?
... chrij ri achkë kʼo chë nqaʼän apü we chaq kʼateʼ kʼo chë nqbʼä pa hospital?
... chrij ri achkë kʼo chë nqaʼän apü we npë jun qʼeqäl jöbʼ, jun mamaʼ slonel o achkë na chik jun?

Achbʼäl ri nkikʼüt achkë rubʼanik ri qachʼalal najin nkiʼän ri xbʼix chkë: 1. Jun molaj qachʼalal kimolon kiʼ chuchiʼ jun jay rchë yeʼel chutzjoxik le Biblia. 2. Jun qachʼalal ixöq najin nunujsaj ri tarjeta DPA. 3. Jun familia najin nkiyäk qa ri xtkʼatzin chkë we nbʼanatäj jun mamaʼ slonel, jun qʼeqäl jöbʼ o xa bʼa achkë na chik jun.