Jehová chqä Jesús xkojkiköl chqawäch apü

¿Achkë kʼayewal najin naqʼaxaj rït ronojel qʼij? ¿Yït tataʼaj y najin natäj aqʼij rchë natzüq a-familia? ¿Ayonïl najin yeʼakʼiytisaj awalkʼwal y nanaʼ chë ma yaturqʼiʼ ta arajil? We rït yït qʼopoj o kʼajol, ¿yatkinäq awachiʼil pa tijobʼäl y yetzeʼen chawij? Jontir röj nqaqʼaxaj kʼayewal, ye kʼa jojun qachʼalal kʼo chë nkipabʼaʼ kiʼ chwäch jun o más kʼayewal pa kikʼaslemal. Rma riʼ kan kiʼ qakʼuʼx nqanaʼ rma qataman che jontir ri kʼayewal riʼ xkekʼis (2Co 4:16-18).

Loman napon ri qʼij riʼ, kan janina nukʼuqbʼaʼ qakʼuʼx rma qataman chë Jehová kan nqʼax chwäch ri najin nqaqʼaxaj. Jehová kan nuloqʼoqʼej chë ma qayaʼon ta qa ryä tapeʼ najin nqaqʼaxaj kʼayewal, chqä nuʼij chqë chë xtyaʼ kʼïy utzil pa qawiʼ chqawäch apü (Jer 29:11, 12). Jesús chqä kan ke riʼ runaʼoj. Taq röj nqatäj qaqʼij rchë nqaʼän jun qasamaj yaʼon pa congregación, ryä nuʼij chqë: «Rïn yïn kʼo iwkʼë» (Mt 28:20). We nqajäm qawäch rchë nqchʼobʼon chrij ri utzil xtyaʼ ri Ruqʼatbʼäl Tzij Dios pa qawiʼ, más xtqakʼuqbʼaʼ qakʼuʼx chrij ri qayoʼen apü chqä xtjeʼ qachqʼaʼ rchë xkeqaköchʼ xa bʼa achkë kʼayewal (Ro 8:19-21).

TAQ XATZʼËT YÄN RI VIDEO TAQ XTQATZʼËT CHË XKEPË KʼAYEWAL CHQIJ, TQAYAʼ QAN CHRIJ RI XTUʼÄN CRISTO PA QAWIʼ, KEʼAQʼALAJSAJ RE KʼUTUNÏK REʼ:

• ¿Achkë rma ri winäq ma junan ta chik rubʼanon kiwäch rkʼë Dios, y achkë xkʼäm pä riʼ pa kiwiʼ?

• ¿Achkë utzil xkeyaʼöx pa kiwiʼ ri yenman rutzij Jehová?

• ¿Achkë rma röj nqkowin nqïl jun utziläj kʼaslemal chqawäch apü?

• ¿Achkë jun chkë ri utzil xkeyaʼöx pa qawiʼ chqawäch apü ayoʼen más rït?