Ri ütz naʼän taq natjoj awiʼ chrij le Biblia pan ayonïl o rkʼë afamilia

Röj junan nqayaʼ ruqʼij Jehová kikʼë ye kʼïy qachʼalal taq nqamöl qiʼ pa qaSalón o taq yeqaʼän nmaʼq taq moloj. Ye kʼa nqayaʼ chqä ruqʼij Jehová pa qayonïl o rkʼë qafamilia. Ya reʼ jojun naʼoj ri xkojkitoʼ rchë xtqatjoj qiʼ chrij le Biblia pa qayonïl o rkʼë qafamilia:

• Tqatjoj apü qiʼ chrij ri naʼoj ri xttzʼet taq xtqamöl qiʼ pa qaSalón. Ütz chqä nqatjoj qiʼ chkij ri bʼix o junan nqatjoj qiʼ chrij jun qacomentario.

• Tqaskʼij jun peraj rchë le Biblia. Chrij riʼ ütz nqaʼän dibujar ri xqaskʼij o nqatzʼibʼaj jun naʼoj ri xqatamaj qa.

• Tqanukʼuj rij ri xkiʼij jojun winäq che rä Jehová ri yerutzjoj le Biblia. Tqaquʼ achkë rubʼanik nqrtoʼ riʼ rchë más ütz rubʼanik nqchʼö rkʼë Jehová.

• Tqatzʼetaʼ jun video chpan jw.org. Chrij riʼ ütz nqatzjoj chqawäch rkʼë qafamilia achkë xqatamaj qa o nqatzʼibʼaj achkë naʼoj xqä chqawäch.

• Tqatzʼetaʼ achkë ütz nqatzjoj chkë ri winäq taq xtqatzjoj le Biblia chkë. Ütz nqatjoj qiʼ chrij achkë xtqaʼij chkë.

• Tqatzʼetaʼ ri rubʼanon qa Jehová y tqaquʼ achkë naʼoj nkikʼüt qa chqawäch chrij ryä. We junan yoj kʼo rkʼë qafamilia, tqatzjoj chqawäch achkë naʼoj xqatamaj qa.a