NA’OJ 7

Keʼaksaj tzʼaqät taq naʼoj

Lucas 1:3

RI NTEL CHË TZIJ: Yeʼaksaj naʼoj ri kantzij yetzjon rchë yeʼatoʼ ri yekʼoxan awchë rchë nqʼax pa kijolon ri najin nakʼüt chkiwäch.

Keʼaksaj naʼoj ri kantzij yetzjon. Keʼaksaj tzij ri ye kʼo chpan le Biblia taq yatzjon, y taq ütz nuʼän, kan taskʼij apü ruwäch. Taq natzjoj apü jun naʼoj chkij ri científicos, jun noticia, jun experiencia o xa bʼa achkë chik na jun naʼoj, tatzʼetaʼ chë ri akuchï xawesaj pä kantzij ntzjon chqä chë kʼa xtzjöx pä.
Pa rubʼeyal keʼaksaj ri naʼoj. Taq naqʼalajsaj jun texto bíblico, tatzʼetaʼ ru-contexto, ri achkë qäs nutzjoj le Biblia y ri nkiʼij ri publicaciones ri ruyaʼon pä «ri utziläj samajel ri kan kʼo runaʼoj» (Mt. 24:45). We naskʼij apü jun naʼoj ri ma yë ta ri rutinamit Jehová yayon pä, tatzʼetaʼ ru-contexto y achkë qäs xrajoʼ xuʼij ri xtzʼibʼan rchë.

Ma tayaʼ ta ruwiʼ ri najin natzjoj, nixta tayaʼ kiwiʼ ri números. Ma tajäl ta kibʼixik ri tzij. Ma taʼij ta «jontir bʼaʼ winäq» pa rukʼexel «jojun winäq», ma taʼij ta «ronojel mul» pa rukʼexel «kʼo mul», ma taʼij ta «kantzij» pa rukʼexel «rkʼë jbʼaʼ».
Keʼatoʼ ri winäq rchë yechʼobʼon. Taq xaskʼij qa jun texto bíblico o jun naʼoj, keʼabʼanaʼ kʼutunïk, ye kʼa taquʼ na achkë nakʼutuj apü o tayaʼ jun tzʼetbʼäl rchë kan yë ri winäq yeʼilö ruqʼalajsaxik ri nawajoʼ nakʼüt chkiwäch.