Taquʼ kij ri nkʼaj chik

Ri xuʼän Jesús

VIDEO: Jesús ntzjon rkʼë jun ixöq chuchiʼ jun pozo

1. Tatzʼetaʼ ri VIDEO o taskʼij ruwäch Juan 4:6-9. Chrij riʼ, taquʼ kij re kʼutunïk reʼ:

1. ¿Achkë xtzʼët Jesús taq majanä tchäp tzij rkʼë ri ixöq?

2. Jesús xuʼij reʼ che rä: «Tayaʼ jbʼaʼ nyaʼ». ¿Achkë rma nqaʼij chë kan ütz rubʼanik xchäp tzij rkʼë ri ixöq?

¿Achkë nqatamaj qa chrij Jesús?

2. Jun winäq rkʼë jbʼaʼ xtyaʼ más ruxkïn chqë we nqachäp tzij rkʼë chrij jun ri nrajoʼ nutzjoj ryä.

Takʼamaʼ anaʼoj chrij Jesús

3. Taquʼ kij ri winäq. Pa rukʼexel nachäp tzij chrij jun ri nqä chawäch rït, más ütz tatzjoj apü jun ri nqä chwäch ri winäq. Rma riʼ ütz taquʼ rij reʼ:

1. «¿Achkë najin nyaʼöx rutzjol chkipan ri noticias?».

2. «¿Achoq chrij yetzjon wä ri n-vecinos, ri wachiʼil pa samaj o ri wachiʼil pan escuela?».

4. Tatzʼetaʼ ri winäq chqä ri kʼo rkʼë. Taquʼ rij reʼ:

1. «¿Achkë najin nuʼän? ¿Achkë komä najin nuquʼ?».

2. «¿Achkë nukʼüt rutzyaq, ri rubʼanik nuwäq riʼ chqä rachoch chrij ri nunmaj o chrij ri rujatzul?».

3. «¿Ütz nuʼän chwäch nqtzjon rkʼë?».

5. Takʼoxaj ri winäq.

1. Ma xa xuʼ ta rït katzjon.

2. Tayaʼ qʼij che rä ri winäq rchë nuʼij ri nuquʼ. Taq ütz xtuʼän, tabʼanaʼ kʼutunïk che rä.