Jehová yerajoʼ ri ma nkiyaʼ ta kiʼ pa tzʼil

Ye kʼïy teʼej tataʼaj nkikʼüt chkiwäch ri kalkʼwal chë tkichʼajaʼ kiqʼaʼ, tkijosqʼij kachoch ri akuchï yewär wä, kemeson chqä tkiyaʼ ri mes pa rukʼojlibʼäl. Nkiʼij riʼ rma nkajoʼ chë ri kalkʼwal yeʼok chʼajchʼöj taq winäq. Ye kʼa ri naʼäy ri nbʼin chqë chë jontir tqachʼajchʼobʼej, yë Jehová, rma ryä kan loqʼoläj (Éx 30:18-20; Dt 23:14; 2Co 7:1). Taq nqajosqʼij qiʼ y nqajosqʼij jontir ri kʼo qkʼë, nqayaʼ ruqʼij Jehová (1Pe 1:14-16). ¿Chʼajchʼöj komä rubʼanon jontir qachoch? Ye kʼo winäq yekikʼäq qa mes pa taq bʼey y pa taq parques, ye kʼa röj, ri cristianos, nqatäj qaqʼij rchë ma nqatzʼilbʼisaj ta más ri Ruwachʼulew (Sl 115:16; Rev 11:18). Rchë ri, tapeʼ xa chicle, xa rij taq kabʼ o rij taq jugos, ma yeqakʼäq ta qa pa bʼey. Ri nqaʼän riʼ nqakʼüt chë kan nqä chqawäch nqjosqʼin y nqajoʼ nqakʼüt chë ronojel mul yoj rusamajelaʼ Dios (2Co 6:3, 4).

TAQ XATZʼËT YÄN RI VIDEO DIOS YERAJOʼ RI MA NKIYAʼ TA KIʼ PA TZʼIL, KEʼAQʼALAJSAJ RE KʼUTUNÏK REʼ:

• ¿Achoq rejqal nkiyaʼ jojun chë ma nkijosqʼij ta ri achkë kʼo kikʼë?

• Ri Pixaʼ xyaʼöx che rä Moisés nukʼüt achkë nutzʼët Jehová ri yajosqʼin, ¿achkë rubʼanik nqrtoʼ riʼ?

• ¿Achkë rubʼanik nqayaʼ ruqʼij Jehová tapeʼ ma nqaʼij ta nixta jun tzij?