Más ütz tabʼanaʼ che rä rutzjoxik le Biblia: Tatzjoj le Biblia chkë ri moyiʼ

¿ACHKË RMA KʼO REJQALEN? Ye kʼïy winäq ri ye moy, ma ütz ta nkinaʼ yetzjon kikʼë winäq ri ma kitaman ta kiwäch. Rma riʼ, kʼo chë nqakanuj rubʼanik rchë nqatzjoj le Biblia chkë. Jehová janina yerajoʼ ri moyiʼ chqä kan nchʼpü chkij (Le 19:14). Tqakʼamaʼ qanaʼoj chrij Jehová chqä tqatjaʼ qaqʼij rchë yeqatoʼ rchë nkitamaj ruwäch ryä.

¿ACHKË RUBʼANIK NAʼÄN CHE RÄ?

• Takanuj kachoch (Mt 10:11). ¿Ataman ruwäch jun winäq ri kʼo jun ruchʼalal moy? ¿Kʼo komä chpan qa-territorio jun tijobʼäl, jun jay akuchï yechajïx wä ri moyiʼ o instituciones ri nkajoʼ publicaciones ri bʼanon pä chkë ri ma yekowin ta yetzuʼun?

• Takʼutuʼ chë kantzij nawajoʼ yeʼatoʼ. We rït ütz anaʼoj naʼän chqä nakʼüt chë kantzij nawajoʼ yeʼatoʼ, ri moyiʼ kan kiʼ kikʼuʼx xtkiʼän awkʼë. Katzjon chrij ri nqä chkiwäch nkikʼoxaj ri winäq pa tinamït.

• Keʼatoʼ rchë nkitamaj ruwäch Jehová. Rchë yetoʼöx ri winäq ri ma yekowin ta yetzuʼun, ri rutinamit Dios bʼanon pä jalajöj kiwäch publicaciones rchë yerutoʼ. Takʼutuj che rä ri winäq achkë chkë ri publicaciones ri bʼanon pä chkë ryeʼ nrajoʼ nutjoj riʼ chrij. Ri ukʼwäy bʼey rchë servicio kʼo chë nutzʼët we ri qachʼalal ri ntoʼon rkʼë publicaciones, nukʼutuj äl jalajöj rubʼanik publicaciones ri nqä chwäch ri winäq nuskʼij.