RI QAKʼASLEMAL RÖJ RI CRISTIANOS
Tqakʼutuʼ ajowabʼäl chkipan ri qanimamoloj rchë oxiʼ qʼij
¿Achkë rma kan kowan nqä chqawäch nqbʼä chkipan ri qanimamoloj rchë oxiʼ qʼij? Rma nqkowin nqayaʼ ruqʼij Jehová kikʼë ye kʼïy qachʼalal, achiʼel wä xkiʼän ri israelitas. Chqä kan kʼïynaʼoj nqatamaj qa chkipan y nqkowin nqjeʼ junan kikʼë ri qachiʼil chqä ri qa-familia. Rma kan kowan nqaloqʼoqʼej ri qanimamoloj, nqatäj qaqʼij rchë nqjeʼ ri oxiʼ qʼij chpan.
Taq xtqbʼä chkipan ri qanimamoloj, ma xa xuʼ ta qchʼobʼon chrij ri naʼoj xtqatamaj, xa kan qchʼobʼon chqä chrij ri rubʼanik xtqakʼüt ajowabʼäl chkiwäch nkʼaj chik (Gál 6:10; Heb 10:24, 25). Röj nqakʼüt chë nqaquʼ kij ri nkʼaj chik taq xa xuʼ nqesaj qa ri tzʼibʼäl ri nkʼatzin chqë o taq nqajäq ruchiʼ jay chwäch jun qachʼalal (Flp 2:3, 4). Chpan ri qanimamoloj yeqïl nkʼaj chik qachiʼil, rma riʼ tqayaʼ chqawäch nqachʼaʼej jun qachʼalal ri ma qataman ta ruwäch. Ütz nqaʼän riʼ ta majanä tchapatäj ri nimamoloj, taq xtkʼis o taq yoj kʼo chpan ri hora rchë waʼin (2Co 6:13). Ri qachiʼil riʼ majun bʼëy xkojkiyaʼ ta qa. Taq nkʼaj chik winäq nkitzʼët chë röj kowan nqajoʼ qiʼ, rkʼë jbʼaʼ ya riʼ xtbʼanö chë xtkajoʼ xtkiyaʼ ruqʼij Jehová (Jn 13:35).
TAQ XATZʼËT YÄN RI VIDEO RI ASAMBLEAS INTERNACIONALES «RI AJOWABʼÄL RI MAJUN BʼËY XTKʼIS TA», KEʼAQʼALAJSAJ RE KʼUTUNÏK REʼ:
¿Achkë rubʼanik xkikʼüt ajowabʼäl ri qachʼalal chkiwäch ri xeʼapon chkipan ri asambleas internacionales rchë 2019?
¿Achkë rma kan jaʼäl ntzʼetetäj ri ajowabʼäl kʼo chqakojöl röj ri rusamajelaʼ Dios?
¿Achkë xkiʼij ri ye kʼo chpan ri Molaj Ukʼwäy Bʼey chrij ri ajowabʼäl?
¿Achkë ütz naʼän rchë nakʼüt ajowabʼäl chkiwäch ri qachʼalal chkipan ri qanimamoloj?
¿Achkë rubʼanik xqʼalajin chë ma xkʼis ta ri ajowabʼäl chkikojöl ri qachʼalal chlaʼ Alemania chqä Corea del Sur?
¿Achkë kʼo chë nqayaʼ chwäch qan nqaʼän?