Y rït, ¿abʼanon chik jontir ri najowatäj rchë yaqasäx pa yaʼ?
RI QAKʼASLEMAL RÖJ RI CRISTIANOS
Tachaʼ nayaʼ ruqʼij Jehová chpan akʼaslemal
Qʼopojiʼ kʼojolaʼ, we rïx ya yïx publicador chik o najin nitjoj iwiʼ chrij le Biblia, ¿iyaʼon chik chwäch iwan rchë yixqasäx pa yaʼ? ¿Achkë rma ütz niʼän riʼ? Rma ri qachbʼilanïk rkʼë Jehová nchapatäj taq nqajäch qiʼ pa ruqʼaʼ chqä nqqasäx pa yaʼ, y ya riʼ xtbʼanö chë xtqkolotäj qa (Sl 91:1; 1Pe 3:21). ¿Achkë ütz niʼän rchë nijäch iwiʼ pa ruqʼaʼ Dios chqä yixqasäx pa yaʼ?
Tayaʼ chwäch awan chë yït kʼo chpan ri kantzij. Takanuj más naʼoj chrij jun naʼoj ri xa kaʼiʼ akʼuʼx abʼanon chrij (Ro 12:2). We kʼo jun nkʼatzin najäl pan akʼaslemal, kan tabʼanaʼ, ye kʼa tabʼanaʼ riʼ rma nawajoʼ chë Jehová kiʼ rukʼuʼx nuʼän awkʼë (Pr 27:11; Ef 4:23, 24). Takʼutuj atoʼik che rä Jehová y tayaʼ chwäch awan chë ryä xtksaj ri loqʼoläj ruchqʼaʼ rchë yaturtoʼ pä (1Pe 5:10, 11). Tatjaʼ aqʼij rchë naʼän riʼ, rma majun ta chik jun ri más ütz chwäch ri nayaʼ ruqʼij Jehová (Sl 16:11).
TAQ XATZʼËT YÄN RI VIDEO RI ÜTZ NAʼÄN RCHË YAQASÄX PA YAʼ, KEʼAQʼALAJSAJ RE KʼUTUNÏK REʼ:
¿Achkë kʼayewal kʼo chë xkiqʼaxaj jojun qachʼalal rchë xeqasäx pa yaʼ?
¿Achkë ütz naʼän rchë nkowïr akʼuqbʼäl kʼuʼx ke riʼ yaqasäx pa yaʼ?
¿Achkë xbʼanö chkë jojun qachʼalal rchë xkajoʼ xeqasäx pa yaʼ?
¿Achkë utzil nuyaʼ Jehová pa kiwiʼ ri nkichaʼ nkiyaʼ ruqʼij?
¿Achkë ntel chë tzij ri najäch awiʼ pa ruqʼaʼ Jehová chqä yaqasäx pa yaʼ?