Keʼaksaj tzʼetbʼäl rchë yeʼatjoj ri winäq

Taq nqakamluj kichʼbʼexik ri winäq o yeqatjoj chrij le Biblia, röj kʼo chë yeqatoʼ rchë nqʼax pa kijolon ri naʼoj ri kʼo más kejqalen. We yeqaksaj tzʼetbʼäl, xtqaʼän chë ri naʼoj xtapon pa kan chqä ma xtkimestaj ta ri xtqakʼüt chkiwäch.

Taq xtatjoj awiʼ rchë nakamluj ruchʼbʼexik jun winäq o rchë natjoj chrij le Biblia, tatzʼetaʼ achkë naʼoj kʼo más kejqalen ri nawajoʼ chë ri winäq nkanaj qa pa rujolon, y ma keʼatzjoj ta naʼoj ri majun ta kejqalen chpan ri tjonïk. Chrij riʼ, taquʼ rij jun tzʼetbʼäl ri ma kʼayewal ta nqʼax chqä kan tamatäl ruwäch (Mt 5:14-16; Mr 2:21; Lu 14:7-11). Taquʼ rij achkë ya retaman chik ri winäq chqä achkë yeruʼän (Lu 5:2-11; Jn 4:7-15). Rït kan kiʼ akʼuʼx xtaʼän taq xtatzʼët chë ri winäq kan xttel rukʼuʼx rma xqʼax jun naʼoj pa rujolon.

TAQ XATZʼËT YÄN RI VIDEO RI KIʼKʼUXLAL NQANAʼ RMA YEQATJOJ RI WINÄQ CHRIJ LE BIBLIA. MÁS ÜTZ RUBʼANIK TQABʼANAʼ CHE RÄ QASAMAJ: KEQAKSAJ TZʼETBʼÄL RCHË YEQATJOJ RI WINÄQ, KEʼAQʼALAJSAJ RE KʼUTUNÏK REʼ:

• 

  ¿Achkë rma ri winäq rkʼë jbʼaʼ nkʼatzin kitoʼik rchë nqʼax ri textos bíblicos pa kijolon?

• 

  ¿Achkë tzʼetbʼäl xksaj ya Rita rchë xqʼalajsaj Romanos 5:12?

• 

  ¿Achkë rubʼanik yerutoʼ ri winäq taq kan pa rubʼeyal yeqaksaj ri tzʼetbʼäl?

• ¿Achkë rma kʼo chë yeqaksaj ri videos chqä ri nkʼaj chik samajbʼäl rchë nyaʼöx tjonïk ri ruyaʼon pä rutinamit Jehová?