Tqakʼutuʼ chë nqajoʼ qiʼ chpan qa-familia

Ri nqajoʼ qiʼ chpan qa-familia nuʼän chë junan nuʼän qawäch. We chpan jun familia ma nkajoʼ ta kiʼ, kʼayewal xtuʼän chkiwäch junan xkesamäj. ¿Achkë rubʼanik ri achijilonelaʼ, ri ixjayilonelaʼ chqä ri teʼej tataʼaj nkikʼüt chë yekajoʼ ri ki-familia?

Jun achijilonel ri kan najowan xtquʼ rij ri rixjayil, xtkʼutuj che rä achkë nuquʼ chqä achkë nunaʼ (Ef 5:28, 29). Ryä xtuʼän ri najowatäj rchë chë ru-familia ütz kiwäch xkejeʼ chqä más junan xtuʼän kiwäch rkʼë Jehová, rma riʼ xttäj ruqʼij rchë xtyaʼ ruqʼij Dios pa rachoch rkʼë ru-familia (1Ti 5:8). Jun utziläj ixjayilonel xtnmaj rutzij rachjil chqä ma xtqasaj ta ruqʼij (Ef 5:22, 33; 1Pe 3:1-6). Che kaʼiʼ kʼo chë ma nkikʼewaj ta nkiküy kiʼ (Ef 4:32). Ri utziläj taq teʼej tataʼaj yekichajij kalkʼwal chqä yekitoʼ rchë nkinaʼ ajowabʼäl chrij Jehová (Dt 6:6, 7; Ef 6:4). ¿Achkë kʼayewal yekiqʼaxaj iwalkʼwal pa tijobʼäl? ¿Achkë rubʼanik najin nkipabʼaʼ kiʼ chwäch ri kʼayewal nkiyaʼ kichiʼil pa kiwiʼ? We chpan jun familia kan nkajoʼ kiʼ, jontir xtkinaʼ chë najin yechajïx.

TAQ XATZʼËT YÄN RI VIDEO TQAKʼUTUʼ CHPAN QA-FAMILIA RI AJOWABʼÄL RI MAJUN BʼËY XTKʼIS TA, KEʼAQʼALAJSAJ RE KʼUTUNÏK REʼ:

• 

  ¿Achkë rubʼanik nukʼüt jun utziläj achijilonel chë nrajoʼ rixjayil?

• 

  ¿Achkë rubʼanik nukʼüt jun utziläj ixjayilonel chë ma nuqasaj ta ruqʼij rachjil?

• 

  ¿Achkë ütz nkiʼän ri teʼej tataʼaj rchë nkitzjoj chrij Dios chkë ri kalkʼwal?