Tabʼanaʼ chë napon pa kan ri winäq ri naʼoj najin nakʼüt

Jun winäq xa xuʼ xtnmaj rutzij Dios we pa ran xtaläx wä nuʼän riʼ (Pr 3:1). Rma riʼ, taq nqakʼüt chrij le Biblia chwäch, röj kʼo chë nqatäj qaqʼij rchë napon pa ran ri naʼoj nqakʼüt chwäch. ¿Achkë rubʼanik nqaʼän riʼ?

Ma xa xuʼ ta takʼutuʼ chwäch atijoxel ri naʼoj ye kʼo chpan le Biblia, xa kan tatoʼ rchë nutzʼët chë ri najin nutamaj nutoʼ pa rukʼaslemal chqä nutoʼ rchë ntok rachiʼil Jehová. Tatoʼ rchë nqʼax pa rujolon chë ri naʼoj yeruyaʼon pä Jehová chqë nkikʼüt chë ryä kowan nqrajoʼ, ütz runaʼoj chqä pa rubʼeyal nuʼän jontir. Kan pa rubʼeyal keʼabʼanaʼ kʼutunïk che rä rchë natzʼët achkë nuquʼ chrij ri najin nutamaj. Tatoʼ rchë nutzʼët chë más ütz xtbʼä pa rukʼaslemal we nuyaʼ qa kibʼanik bʼanobʼäl ri ma yeqä ta chwäch Dios. Taq xtatzʼët chë ri atijoxel nrajoʼ chik Jehová rkʼë ronojel ran, rït kiʼ akʼuʼx xtaʼän.

TAQ XATZʼËT YÄN RI VIDEO RI KIʼKʼUXLAL NQANAʼ RMA YEQATJOJ RI WINÄQ CHRIJ LE BIBLIA. MÁS ÜTZ RUBʼANIK TQABʼANAʼ CHE RÄ QASAMAJ: TQABʼANAʼ CHË NAPON PA KAN RI WINÄQ RI NAʼOJ NAJIN NQAKʼÜT, KEʼAQʼALAJSAJ RE KʼUTUNÏK REʼ:

• 

  ¿Achkë rma ya Rita xkʼutuj che rä ya Rubí we xquʼ rij ri xkitzjoj rkʼë pa martes?

• 

  ¿Achkë rubʼanik xtoʼöx ya Rubí rma ya Rita rchë xqʼax chwäch chë kowan najowäx rma Jehová rma riʼ yeruyaʼon pä ri naʼoj chpan le Biblia?

• 

  ¿Achkë rubʼanik xtoʼöx ya Rubí rma ya Rita rchë xquʼ rij achkë rubʼanik nukʼüt chwäch Jehová chë kowan nrajoʼ?