¡Taʼij chkë jontir chë xa jbʼaʼ chik apü más ütz xtuʼän qakʼaslemal!

Chpan ri ikʼ noviembre, jontir xtqatäj qaqʼij rchë xtqaʼij chkë jontir ri winäq chë xa jbʼaʼ chik apü más ütz xtuʼän ri qakʼaslemal (Sl 37:10, 11; Ap 21:3-5). Rma riʼ, kan komä tqatzʼetaʼ achkë rubʼanik nqajäm más qawäch rchë nqaʼän jontir ri xtqkowin chpan ri campaña riʼ. Ri precursores auxiliares rchë ri ikʼ riʼ xkekowin xtkiʼän 30 o 50 horas.

Chpan ri campaña, taskʼij jun texto ri ntzjon chrij ri kʼakʼakʼ Ruwachʼulew chkiwäch xa bʼa jaruʼ winäq yakowin. Taq xtachʼöbʼ achkë texto xtaskʼij, taquʼ chqä rij achkë más nqä chkiwäch nkikʼoxaj ri winäq chpan ri a-territorio. Tayaʼ qa ri wuj La Atalaya núm. 2, 2021, che rä ri winäq ri xtyaʼ ruxkïn chawä. Kan katzolin yän chuchʼbʼexik ri winäq riʼ chqä takanuj rubʼanik rchë nachäp jun tjonïk rkʼë. Rchë riʼ, taksaj ri folleto Nawajoʼ rït yakʼaseʼ. ¡Kan jaʼäl nqanaʼ rma xtqayaʼ qan chubʼixik «chë kʼo utzil xtqïl chqawäch apü»! (Is 52:7).

TAQ XATZʼËT YÄN RI VIDEO LA VIDA DE VERDAD, KEʼAQʼALAJSAJ RE KʼUTUNÏK REʼ:

• ¿Achkë utziläj kʼaslemal najin nuquʼ rij ti qʼopoj?

• ¿Achkë kan rkʼë ronojel awan ayoʼen rït chë xtbʼanatäj chwäch ri kʼakʼakʼ Ruwachʼulew?

• ¿Achkë rma ri naquʼ rij ri kʼakʼakʼ Ruwachʼulew xkaturtoʼ rchë xtaʼän jontir ri xkakowin chpan ri campaña xtbʼan chpan ri ikʼ noviembre? (Lu 6:45).