Tachapaʼ jun tjonïk chrij le Biblia kikʼë re videos reʼ

Kʼo kajiʼ videos qkʼë ri yetzjon chrij ri tjonïk yeqayaʼ. ¿Achkë rma xebʼan, y achkë rubʼanik yeqaksaj taq nqatzjoj le Biblia?

• 

  ¿Achkë rma ütz nqatjoj qiʼ chrij le Biblia? (jontir ri video). Re video reʼ xbʼan rchë chë ri winäq xtkajoʼ xtkitamaj más chrij le Biblia tapeʼ xa bʼa achkë na kinman chrij Dios. Chqä yerutoʼ rchë nkikanuj chpan le Biblia kiqʼalajsaxik ri kʼutunïk yebʼan chrij ri kʼaslemal, y nuyaʼ chqä jun tzʼetbʼäl ri nukʼüt chë ri kiqʼalajsaxik ri kʼutunïk riʼ kan ütz nanmaj. Pa rukʼisbʼäl nuqʼalajsaj achkë ütz nuʼän jun winäq rchë nukʼutuj jun rutjonik chrij le Biblia.

• 

  ¿Achkë rma ütz nqatjoj qiʼ chrij le Biblia? (koʼöl peraj). Re video reʼ kan achiʼel bʼaʼ ri jun qa video ri más nüm. Ye kʼa rma ya reʼ ma kan ta nyalöj, ütz nksäx kikʼë winäq ri ma kan ta jamäl kiwäch rchë yetzjon qkʼë.

• 

  ¿Achkë rubʼanik yeqatjoj ri winäq chrij le Biblia? Re video reʼ xbʼan rchë chë ri winäq nkitamaj achkë rubʼanik yeqatjoj ri winäq chrij le Biblia, yeruqʼalajsaj jojun kʼutunïk ri yebʼan chrij riʼ chqä nukʼüt achkë rubʼanik nkʼutüx jun tjonïk chrij le Biblia.

• 

  Ütz apetik chpan ri atjonik chrij le Biblia. Re video reʼ nkʼut chkiwäch ri winäq ri najin nkitjoj kiʼ chrij le Biblia. Tapeʼ ri video kʼo chpan ri ruxaq 2 rchë ri libro Nawajoʼ rït yakʼaseʼ, ütz chqä nksäx we najin nnukʼüx ruwäch ri folleto Nawajoʼ rït yakʼaseʼ. Ri video nukʼüt achkë xttzʼet chpan ri libro chqä nukʼüt chwäch ri winäq achkë rubʼanik xttjöx.

Tapeʼ re kajiʼ videos reʼ kan jalajöj rma xebʼan, röj ütz nqakʼüt o nqatäq äl xa bʼa achkë chkë re videos reʼ we nqatzʼët chë ya riʼ nkʼatzin che rä ri winäq. Tqatjaʼ qaqʼij rchë nqatamaj achkë nkikʼüt re videos reʼ, rchë ke riʼ kan ütz rubʼanik xtqaksaj taq xtqatzjoj le Biblia.