RI QAKʼASLEMAL RÖJ RI CRISTIANOS
Teʼej tataʼaj, ri iwalkʼwal chqä yekowin yeʼok ajnaʼoj taq winäq
Jun rubʼanik yeʼatoʼ awalkʼwal rchë yeʼok ajnaʼoj taq winäq chwäch Dios, ya riʼ yeʼatoʼ rchë kan kʼo nkitamaj qa chpan ri qamoloj. Ri nkitzʼët ryeʼ, ri nkikʼoxaj chqä ri nkiʼän comentar chpan ri qamoloj xkerutoʼ rchë xtkitamaj más ruwäch Jehová chqä rchë yeʼok rachiʼil (Dt 31:12, 13). Ye kʼa ¿achkë rubʼanik yeʼatoʼ awalkʼwal rchë kan kʼo xtkitamaj qa chpan ri qamoloj?
Tabʼanaʼ jontir ri kʼo pan aqʼaʼ rchë ronojel mul yabʼä pa qamoloj (Sl 22:22).
Taʼij chkë awalkʼwal chë ütz yetzjon kikʼë qachʼalal pa Salón del Reino taq majanä tchapatäj ri moloj o taq ya xkʼis (Heb 10:25).
Tatzʼetaʼ we jontir chpan a-familia kʼo ki-publicaciones (pa teléfono, pa tableta o chwäch wuj) ri najin nnukʼüx rij chpan ri qamoloj.
Keʼatoʼ awalkʼwal rchë kan pa kan ntel wä pä ri nkiʼij chpan ki-comentarios (Mt 21:15, 16).
Ütz katzjon chrij ri qamoloj chqä chrij ri yetzjöx chpan.
Keʼatoʼ awalkʼwal rchë nkijosqʼij ri Salón del Reino chqä rchë yetzjon kikʼë qachʼalal ri ya kʼo chik kijunaʼ.
Rït ri yït teʼej tataʼaj, rkʼë jbʼaʼ kʼo mul ma nawïl ta achkë naʼän taq naquʼ achkë rubʼanik xkeʼatoʼ awalkʼwal rchë junan xtuʼän kiwäch rkʼë Jehová. Ye kʼa tayaʼ chwäch awan chë ma ayonïl ta yït kʼo, Jehová xkaturtoʼ pä (Is 40:29).
TAQ XATZʼËT YÄN RI VIDEO TEʼEJ TATAʼAJ, TIYAʼ CHWÄCH IWAN CHË JEHOVÁ XTYAʼ PÄ IWUCHQʼAʼ, KEʼAQʼALAJSAJ RE KʼUTUNÏK REʼ:
¿Achkë wä najin nuʼän ri kosïk che rä Miguel chqä ya Lidia?
¿Achkë rma ütz chë ri teʼej tataʼaj nkikʼutuj kichqʼaʼ che rä Jehová?
¿Achkë xkiʼän Miguel chqä ya Lidia rchë xkïl kitoʼik rkʼë Jehová?