Keʼaksaj ri koköj taq letras ri ye kʼo chpan ri textos

Taq xtaskʼij ri Traducción del Nuevo Mundo, xtatzʼët chë pa rkʼisbʼäl chkë kʼïy tzij, kʼo jun koʼöl ti letra. ¿Achkë yekʼatzin wä ri letras riʼ? Rchë nkikʼüt chqawäch chë ye kʼo chik nkʼaj textos ri kikʼwan kiʼ rkʼë ri texto ri najin nqaskʼij. Ya reʼ nukʼüt chë jontir ri naʼoj ye kʼo chpan le Biblia kan kikʼwan kiʼ. Si najin naskʼij le Biblia chwäch wuj, ütz nakanuj ri letras riʼ chpan ri columna ri kʼo pa nkʼaj che rä ri página. Si najin naksaj qasitio jw.org o ri aplicación JW Library^®, xa xuʼ nkʼatzin napïtzʼ ri letra rchë yeqʼalajin pä ri nkʼaj chik textos.

¿Achkë naʼoj nkikʼüt ri nkʼaj chik textos ri yeqʼalajin pä? Ya reʼ jojun ejemplos:

Relatos ri xa ye jnan. Ri koköj taq letras yatkikʼwaj chpan nkʼaj chik textos ri nkitzjoj chqä ri relato ri najin naskʼij. Jun ejemplo, chpan 2 Samuel 24:1 kʼo jun tnikʼ letra ri yaturkʼwaj chpan 1 Crónicas 21:1, y chpan 1 Crónicas 21:1 kʼo chqä jun tnikʼ letra ri yaturkʼwaj chpan 2 Samuel 24:1.

Citas. Ri koköj taq letras nkikʼüt chqä akuchï xesäx wä pä ri nuʼij chpan ri texto ri najin naskʼij. Si nakanuj Mateo 4:4, xtatzʼët jun koʼöl letra ri yaturkʼwaj chpan Deuteronomio 8:3.

Profecías chqä rbʼanik xtzʼaqät. Ri koköj taq letras nkikʼüt chqä achkë rbʼanik xtzʼaqät jun profecía. Jun ejemplo, tatzʼetaʼ Zacarías 9:9 chqä Mateo 21:5.