¿Achkë rma ri política kowan yerujäch ri winäq? | ¿Achkë nuʼij le Biblia chrij riʼ?

Chwäch jontir Ruwachʼlew, ri política yerujachon ri winäq. Jun molaj winäq ri ye kʼo chpan ri Pew Research Center xkitzʼët pa 2022 chë «ri 65% chkë ri winäq ri ye kʼo chpan 19 tinamït nkiʼij chë ye kʼo winäq ri kowan yechʼojin rma jalajöj ruwäch politicos ye kʼo wä».

Y akuchï yït kʼo rït, ¿kowan kijachon kiʼ ri winäq rma ri politica? ¿Achkë rma nbʼanatäj riʼ? ¿Kʼo jun nkowin ntoʼö kichë ri winäq? Tatzʼetaʼ ri nuʼij le Biblia chrij reʼ.

Naʼoj ri yerujäch ri winäq

Le Biblia xuʼij chë chpan ri tiempo yoj kʼo komä —ri nbʼix «rukʼisbʼäl taq qʼij che rä»— ri kinaʼoj ri winäq nuʼän chë yerujäch.

• «Ye kʼa tatamaj chë pa rukʼisbʼäl taq qʼij, janina kʼayewal xkejeʼ y kan kʼayewal xtuʼän kikʼwaxik. Rma ri winäq xa xuʼ ryeʼ xtkajoʼ qa kiʼ; […] xa xuʼ ryeʼ xtkajoʼ xtnmäx kitzij» (2 Timoteo 3:1-3).

Chkiwäch ri qʼatbʼäl taq tzij kowan rukʼayewal tajin nuʼän nkiqʼät tzij pa kiwiʼ nkʼaj chik tapeʼ ri winäq kitjon kiqʼij rchë junan nuʼän kiwäch. Ye kʼo jojun winäq kʼayewal nuʼän chkiwäch yesamäj junan rma jojun wä nkiquʼ. Rma riʼ jontir ri najin nbʼanatäj nukʼüt chë najin ntzʼaqät ri xuʼij pä le Biblia ojer.

• «Chpan ri tiempo ri kiqʼaton tzij ri winäq pa kiwiʼ ri nkʼaj chik xa xuʼ rchë yekitzʼlaʼ» (Eclesiastés 8:9).

Ye kʼa le Biblia nuʼij chë kʼo jun ri xttoʼö kichë ri winäq: ya riʼ jun qʼatbʼäl tzij ri nkowin nresaj ri kʼayewal rchë ri winäq ma nkitäj ta chik poqän.

Jun qʼatöy tzij ri nchʼpü kowan chkij ri winäq

Le Biblia ntzjon chrij jun qʼatöy tzij ri ma junan ta kikʼë nkʼaj chik. Ryä nkowin nchʼöbʼ jontir ri achkë ma ütz ta rubʼanon. Re qʼatöy tzij reʼ ya riʼ Jesucristo. Ryä nkowin nuʼän riʼ rma xyaʼöx uchqʼaʼ pa ruqʼaʼ chqä nrajoʼ chë jontir winäq junan nuʼän kiwäch.

• «Pa ruqʼij ryä ri jïk kikʼaslemal kan xkekʼiyär, y ma xtjeʼ ta chik chʼaʼoj» (Salmo 72:7).

• «Jontir ri winäq kan xtkinmaj rutzij» (Salmo 72:11).

Xa xuʼ Jesús más ütz qʼatöy tzij chkiwäch jontir, rma ryä kan nchpü chkij ri winäq y nrajoʼ yerutoʼ. Y más kikʼë ri winäq ri kitjon poqän tapeʼ ma kimak ta ryeʼ.

• «Rma ryä xtköl ri winäq ri kan rkʼë oqʼej nukʼutuj rutoʼik rma kʼo pa mebʼaʼïl, xtköl ri ma kan ta achkë kʼo rkʼë chqä xa bʼa achkë winäq ri majun ta jun nyaʼö rutoʼik. Ryä xtjyowaj ruwäch ri nuqasaj riʼ chqä ri kʼo pa mebʼaʼïl, y xkeruköl ri mebʼaʼiʼ. Xkeruköl chwäch ri kʼayewal yaʼon pa kiwiʼ chqä chwäch ri itzelal» (Salmo 72:12-14).

Tatamaj más chrij re qʼatbʼäl tzij reʼ ri kʼo chlaʼ chkaj, ri xyaʼöx pa ruqʼaʼ Jesús, ri nbʼix Ruqʼatbʼäl Tzij Dios che rä. Y tatamaj achkë rubʼanik re qʼatbʼäl tzij reʼ yaturtoʼ chqä achkë rubʼanik yatoʼon rït.

• Tatzʼetaʼ ri video ¿Achkë riʼ ri Ruqʼatbʼäl Tzij Dios?

• Taskʼij ruwäch ri tzijonem rubʼiniʼan «El Reino de Dios: un gobierno sin corrupción».