Ri testigos de Jehová y ri Holocausto | ¿Achkë nuʼij le Biblia chrij riʼ?

Ri 27 de enero rchë ri junaʼ 2023, ye kʼïy winäq xtkinataj ri Holocausto. Rkʼë jbʼaʼ ri kamïk xbʼan pa más 75 junaʼ qa nuʼän chë rït nakʼutuj qa chawäch achkë rma Dios xyaʼ qʼij chë xbʼanatäj ya riʼ.

• Rchë natamaj achkë nuʼij le Biblia chrij riʼ, taskʼij ruwäch ri tzijonem ri rubʼiniʼan «¿Por qué sucedió el Holocausto judío? ¿Por qué Dios no lo impidió?».

Ye kʼïy judíos xekäm taq xbʼanatäj ri Holocausto. Ryeʼ kan kowan xkitäj poqän, y kan pa millón chkë ryeʼ xchʼobʼ achkë rubʼanik yekamsäx. Chqä ye kʼo chik nkʼaj winäq ri xyaʼöx kʼayewal pa kiwiʼ chqä xekamsäx. Chkikojöl ri winäq riʼ ye kʼo ri testigos de Jehová ri xyaʼöx kʼayewal pa kiwiʼ rma nkinmaj ri naʼoj ye kʼo chpan le Biblia.

• Rchë natamaj más, tatzʼetaʼ ri tzijonem ri rubʼiniʼan «¿Qué les ocurrió a los testigos de Jehová durante el Holocausto?».

Jun utziläj kʼaslemal ri qayoʼen apü

Ye kʼïy winäq nkixiʼij kiʼ rma nkiquʼ chë rkʼë jbʼaʼ xtbʼanatäj chik jun achiʼel ri Holocausto. Ye kʼa le Biblia kan nukʼuqbʼaʼ qakʼuʼx rma nuʼij chë chqawäch apü ma xtbʼanatäj ta chik jun achiʼel ri xbʼanatäj ojer.

• «Jehová nuʼij: ‹Rïn kan ntaman achkë nwajoʼ pan iwiʼ rïx; nwajoʼ chë ma tpë ta chʼaʼoj pan iwiʼ nixta kʼayewal. Chqä nwajoʼ nyaʼ jun utziläj ikʼaslemal chqä chë kʼo ütz niyoʼej apü›» (Jeremías 29:11).a

Ya reʼ xtbʼanatäj taq Jehová xtchüp chqä xtchojmij jontir ri itzelal bʼanon qa. Xa jbʼaʼ chik apü Dios xtuʼän ya reʼ:

• Xtchüp kiwäch ri itzel taq winäq ri xa yekitzʼlaʼ ri nkʼaj chik (Proverbios 2:22).

• Xtuʼän chë ri winäq ma xtkitäj ta chik poqän; pa rukʼexel ri xa kan kiʼ kikʼuʼx xtkiʼän (Apocalipsis 21:4).

• Xkerukʼasoj pä ri winäq ri ye kamnäq äl (Juan 5:28, 29).

Rït ütz nakʼuqbʼaʼ akʼuʼx chrij ri jun ütz kʼaslemal ri qayoʼen apü ri nutzüj le Biblia. We rït nawajoʼ natamaj achkë rma ütz naʼän riʼ, nqajoʼ chë rït natjoj awiʼ chrij le Biblia qkʼë.