Yan Zabolotnyi/stock.adobe.com
¡KIXKʼASEʼ APÜ!
Ri itzelal kowan najin nkʼiyär | ¿Achkë nuʼij le Biblia chrij riʼ?
Ri maras kowan najin yekʼiyär Haití. Y chkipan tinamït achiʼel Sudáfrica, México chqä nkʼaj chik ri ye kʼo Centroamérica chqä América del Sur kowan najin yekʼiyär winäq ri yekichʼäy, yekileqʼaj o yekikamsaj ri nkʼaj chik. Yajün akuchï ma kan ta nbʼanatäj riʼ ri winäq chqä nkixiʼij kiʼ rma nkikʼoxaj chë kʼo eläqʼ yebʼan chqä ye kʼo ri nkitzʼlaʼ o nkikʼät ri achkë kʼo kikʼë ri nkʼaj chik.
¿Achkë nuʼij le Biblia chrij jontir reʼ?
Le Biblia rbʼin qa chik chë ri itzelal xtnmatäj
Le Biblia nuʼij chë ri itzelal najin nbʼanatäj nukʼüt chë «ya xa nbʼekʼis ri najin nbʼanatäj chwäch le Rwachʼlew» (Mateo 24:3). Jesucristo xuʼij achkë xtbʼanatäj chpan ri tiempo riʼ, ryä xuʼij:
«Rma xtkʼiyär ri itzelal, ye kʼïy ma xkejowan ta chik» (Mateo 24:12).
Chqä, taq ntzjon chkij ri «rkʼisbʼäl taq qʼij», le Biblia nuʼij chë ri winäq ke reʼ xtuʼän kinaʼoj: «Ma xtkiqʼïl ta kiʼ, ma xtjeʼ ta joyowanïk kikʼë, ma xtkajoʼ ta ri ütz» (2 Timoteo 3:1-5). Ri kinaʼoj ri winäq rbʼanon chë ma yesmajïx ta chik ri leyes ri yekiyaʼon ri qʼatbʼäl taq tzij.
Ye kʼa kan kʼo rma nqayoʼej chë jontir reʼ xtjalatäj. Le Biblia nuʼij chë xa jbʼaʼ chik apü, jontir ri itzelal xtchup rwäch.
«Xa jbʼaʼ chik apü, ri itzel taq winäq ma xkejeʼ ta chik; xkeʼakanuj akuchï xejeʼ wä, ye kʼa ma xkeʼawïl ta chik chriʼ. Ye kʼa ri ma nkinaʼ ta kiʼ xtyaʼöx qa le Rwachʼlew chkë y kan majun xtbʼanö chkë chë nchʼpü kikʼuʼx» (Salmo 37:10, 11).
¿Achkë más nuʼij le Biblia chrij ri qayoʼen apü? ¿Achkë rma ütz nayaʼ chwäch awan chë jontir ri najin nbʼanatäj ryon profecías ri najin yetzʼaqät? Tatamaj riʼ chkipan re artículos reʼ:
La esperanza real de un mañana mejor
¿Cuál es la señal de “los últimos días” o “los tiempos finales”?