Nota

c RUQʼALAJSAXIK JUN NAʼOJ: Nbʼix abuso sexual de menores chkë xa bʼa achkë bʼanobʼäl ri yeruʼän jun winäq rkʼë jun akʼal rchë yeruʼän ri itzel taq ruraynïk. Tapeʼ chkiwäch ri qawinaq kan kʼixbʼäl natzjoj ronojel reʼ, nkʼatzin nqaqʼalajsaj rchë nqʼax chqawäch achkë riʼ ri ma nrajoʼ ta Jehová rchë nqaʼän. Chpan ri bʼanobʼäl riʼ yeʼok bʼanobʼäl achiʼel reʼ: taq jun winäq nuchäp qa jun akʼal, taq nujuʼ ri rukowil pa ruchiʼ ri akʼal o chiʼ rachäq, o taq nuchapalaʼ ri ruchulbʼal, ri rutzʼun, ri chiʼ rachäq o xa bʼa achkë na chik jun tzʼil bʼanobʼäl. Taq nbʼanatäj riʼ, janina ütz chë ma nqamestaj ta chë ri akʼal ri xebʼan ri tzʼil taq bʼanobʼäl riʼ rkʼë ma yë ta ryä ri ajmak chqä chë chöj xtzʼil-öx. Tapeʼ yë ri qʼopojiʼ ri más yetzʼil-öx, ye kʼo chqä kʼojolaʼ ri nbʼan riʼ kikʼë. Y, tapeʼ yë ri achiʼaʼ ri más yebʼanö ri tzʼil taq bʼanobʼäl riʼ kikʼë ri akʼalaʼ, ye kʼo chqä ixoqiʼ yebʼanö riʼ.