Jontir ri nkikʼoxaj rchʼaʼäl «ri ixöq ri majun ta rnaʼoj», kʼo jun nkʼatzin nkichaʼ nkiʼän: nkinmaj rtzij o yeʼanmäj äl chwäch. ¿Ajän rkʼë jbʼaʼ xtbʼanatäj riʼ? Kʼo kʼïy rma rchë ma nqaʼän ta jun tzʼil bʼanobʼäl. Ri wuj Proverbios nuʼij: «Ri ixöq ri majun ta rnaʼoj» nuʼij reʼ: «Kan jaʼäl ntej ri yaʼ ri xa leqʼan» (Pr 9:17). ¿Achkë ntel chë tzij «ri yaʼ ri xa leqʼan»? Le Biblia nujnamaj ri sexo njeʼ chkiwäch ri kʼlan taq winäq rkʼë ri yaʼ (Pr 5:15-18). Ri achï chqä ri ixöq ri ye kʼlan chwäch ri qʼatbʼäl tzij ütz njeʼ sexo chkiwäch. Ye kʼa ri yaʼ ri xa leqʼan ma jnan ta rkʼë riʼ. Rkʼë jbʼaʼ nukʼambʼej tzij chrij ri sexo ri njeʼ chkiwäch kaʼiʼ winäq ri ma ye kʼlan ta, ri xa nkiqʼäj rpixaʼ Dios. Ri winäq ri ma ye kʼlan ta pa newäl yekiʼän wä tzʼil taq bʼanobʼäl, achiʼel nuʼän jun aleqʼon. Chkiwäch ri winäq ri nkiquʼ chë majun ta najin ntzʼetö ri kimak, re yaʼ reʼ achiʼel ta «kan jaʼäl ntej». Ye kʼa xa kiyonïl nkiqʼöl qa kiʼ. Jehová jontir nutzʼët; majun ta jun nqʼolö rchë. Majun ta chik jun ri más nuyaʼ bʼis pan awan chwäch ri ma kiʼ ta rkʼuʼx nuʼän Jehová awkʼë; ya riʼ ma jaʼäl ta (1Co 6:9, 10). w23.06 22 peraj 7-9

¿Y si nanaʼ chë xa xuʼ chik najin nakamluj ri naʼij che rä Jehová, o nanaʼ chë ma kiʼ ta chik akʼuʼx natzjoj le Biblia? We rït ke riʼ najin nanaʼ ma taquʼ ta chë Jehová ma najin ta chik nuyaʼ ri loqʼoläj rchqʼaʼ pan awiʼ. Rma röj xa kʼo qa mak chqij, kʼo mul kan ke riʼ nqanaʼ. We rït nanaʼ chë ma kiʼ ta chik akʼuʼx najin nayaʼ rqʼij Jehová, taquʼ rij ri xbʼanatäj rkʼë Pablo. Tapeʼ ryä xtäj rqʼij rchë xkʼän rnaʼoj chrij Jesús, ryä rtaman wä chë kʼo mul xtkʼatzin rchqʼaʼ rchë xtuʼän ri ütz. Pablo xyaʼ chwäch nuʼän ri samaj ri xyaʼöx qa pa rqʼaʼ tapeʼ kʼo mul ma kan ta nurayij wä nuʼän riʼ. Ke riʼ chqä rït, ma tayaʼ ta qʼij chë ri nanaʼ nuʼän chawä chë ma yë ta ri ütz nachaʼ naʼän. Pa rkʼexel riʼ, tayaʼ chawäch naʼän ri ütz tapeʼ kʼo mul ma kan ta nuʼij riʼ awan naʼän riʼ. Taq xtqʼax ri tiempo, ri xtachaʼ xtaʼän pan akʼaslemal xkaturtoʼ rchë más kiʼ akʼuʼx xtayaʼ rqʼij Jehová (1Co 9:16). w24.03 11, 12 peraj 12, 13

Röj nqkowin nqakʼüt chë yeqajoʼ ri qachʼalal taq kan ütz kikʼulik nqaʼän chqä taq yeqatoʼ rchë nkitamaj kiwäch ri nkʼaj chik qachiʼil. ʼ(2Co 6:11-13). Chpan ye kʼïy congregaciones ye kʼo jalajöj kiwäch qachʼalal ri jalajöj kiqʼaxan pä pa kikʼaslemal. ¿Achkë xtqtoʼö rchë xkeqajoʼ más qachʼalal? Ri xtqtoʼö ya riʼ nqayaʼ qan chkij ri ütz taq naʼoj kʼo kikʼë. Taq nqatäj qaqʼij rchë yeqatzʼët kan achiʼel yertzʼët Jehová, nqakʼüt chë yeqajoʼ ri qachʼalal. Chpan ri nimaläj tijöj poqonal kan xtkʼatzin xkeqajoʼ ri qachʼalal. ¿Achkë rbʼanik xtqrchajij Jehová taq xtchapatäj ri nimaläj tijöj poqonal? Tqaquʼ rij ri xuʼij Jehová che rä rtinamit rchë yekolotäj qa taq xtchup rwäch Babilonia: «Rït ri yït ntinamit, katok chpan awachoch y tatzʼapij pä achiʼ. Chriʼ tawewaj wä jbʼaʼ awiʼ kʼa taq xtqʼax ri oyowal» (Is 26:20). Rkʼë jbʼaʼ röj chqä xtkʼatzin xtqaʼän ya reʼ chpan ri nimaläj tijöj poqonal. qa. w23.07 6, 7 peraj 14-16