¿Achkë ütz nkiʼän ri kʼlan taq winäq rchë ütz nkikʼwaj kiʼ pa kikʼlajil?

Abrahán chqä Sara nkajoʼ wä kiʼ chqä ma nkiqasaj ta wä kiqʼij chkiwäch (Gé 12:11-13; 1Pe 3:6). Tapeʼ ke riʼ, kʼo na wä jojun kʼayewal xkiqʼaxaj pa kikʼlajil. ¿Achkë nkitamaj ri kʼlan taq winäq chkij Abrahán y Sara?

Rïx ri kʼlan taq winäq, janina ruqʼij ri yixtzjon chiwäch. Taq ri ikʼlaj ruyowal rma kʼo jun ma ütz ta xel chwäch y rkʼë poqän taq tzij ntzjon iwkʼë, titjaʼ iqʼij rchë niqasaj iwiʼ (Gé 16:5, 6). Tijamaʼ iwäch rchë yixjeʼ junan. Tikʼutuʼ chë niwajoʼ iwiʼ kikʼë ri itzij chqä ri ibʼanobʼal. Y xa bʼa achkë na kʼa niʼän, titzʼetaʼ achkë ri nqä chwäch Jehová. Junan titjoj iwiʼ, junan tiyaʼ ruqʼij Jehová y junan kixchʼö rkʼë (Ec 4:12). Ri kʼlan taq winäq ri ütz kikʼwan kiʼ rkʼë ri kikʼlaj, kan nkiyaʼ ruqʼij Jehová, ri xtzʼukü pä ri kʼlanen.

TAQ XATZʼËT YÄN RI VIDEO TIKANUJ RUBʼANIK RCHË ÜTZ NIKʼWAJ IWIʼ PA IKʼLAJIL, KEʼAQʼALAJSAJ RE KʼUTUNÏK REʼ:

• ¿Achkë nkʼutü chë Shaan y Kiara ma kan ta ütz chik kikʼwan kiʼ?

• ¿Achkë rma ri kʼlan taq winäq kʼo chë nkitzjoj chkiwäch ri nkinaʼ?

• ¿Achkë naʼoj xyaʼ qa chkiwäch Shaan y Kiara ri rubʼanik xkikʼwaj kiʼ Abrahán y Sara?

• ¿Achkë xkiʼän Shaan y Kiara rchë ütz chik xkikʼwaj kiʼ pa kikʼlajil?

• ¿Achkë rma ma ütz ta chë jun kʼlaj winäq nkiquʼ chë majun kʼayewal xtkïl pa kikʼlajil?