TREASURES FROM GOD’S WORD | GÉNESIS 32 Y 33

¿Najin natäj aqʼij rchë nawïl ri rutzil Jehová?

We nqajoʼ chë Jehová nuyaʼ rutzil pa qawiʼ, kʼo chë nqatäj qaqʼij rchë nqayaʼ naʼäy pa qa kʼaslemal ri Ruqʼatbʼäl Tzij (1Co 9:26, 27). Taq Jacob ya riʼj wä chik, xkʼut qa chqawäch achkë rubʼanik kʼo chë nqayaʼ ruqʼij Jehová. ¿Achkë rubʼanik nqakʼüt chë najin nqatäj qaqʼij rchë nqakʼül ri rutzil Jehová?

Taq ütz ütz nqatjoj äl qiʼ chrij ri qamoloj.
Taq ronojel mul nqatzjoj le Biblia.
Taq nqatäj qaqʼij rchë yeqatoʼ ri qachʼalal pa congregación.

Jalajöj achbʼäl: Jun teʼej ri kʼïy samaj yeruʼän. 1. Taq majanä ttkirsaj rusamaj, ryä nchʼö rkʼë Jehová. 2. Ri qachʼalal riʼ nutzüq runeʼy taq majanä tbʼä chutzjoxik le Biblia. 3. Ryä kiʼ rukʼuʼx bʼenäq chutzjoxik le Biblia kikʼë kaʼiʼ ral chqä kikʼë kaʼiʼ qachʼalal ixoqiʼ

Tapeʼ najin nqqʼax chkiwäch mamaʼ taq kʼayewal, ütz chë chaq taqïl nqakʼutuj che rä Jehová chë tqrtoʼ chqä chë tyaʼ utzil pa ruwiʼ jontir ri najin nqaʼän rchë nqayaʼ ruqʼij.

TQAKʼUTUJ QA REʼ CHQAWÄCH: «¿Achkë más nkʼatzin nbʼän pa nukʼaslemal rchë nwïl ri rutzil Jehová?».