RI QAKʼASLEMAL RÖJ RI CRISTIANOS
Jehová nuchajij ri rutinamit
Janina ruqʼij ri naʼäy Pascua ri xnmaqʼijüx. Taq faraón xtzʼët chë ri naʼäy rukʼajol xkäm, ri aqʼaʼ riʼ xuʼij che rä Moisés: «¡Jäx äl! Kixel äl chpan ntinamit, rïx chqä ri nkʼaj chik israelitas. Jäx tibʼeyaʼ ruqʼij Jehová achiʼel xiʼij chwä» (Éx 12:31). Jehová xkʼüt chë ronojel mul nuchajij ri rutinamit.
Taq nqchʼobʼon chrij ri rubʼanon pä ri rutinamit Dios komä, nqatzʼët chë Jehová rukʼwan kibʼey ri rusamajelaʼ chqä yeruchajij. Ya riʼ nyaʼöx rejqalen chpan jun chkë ri exposiciones ri kʼo pa central mundial. Ri exposición riʼ rubʼiniʼan «Jun tinamït ri rukʼwan rubʼiʼ Jehová».
TAQ XATZʼËT YÄN RI VIDEO VISITAS CHKIPAN RI EXPOSICIONES RI YE KʼO WARWICK: «JUN TINAMÏT RI RUKʼWAN RUBʼIʼ JEHOVÁ», KEʼAQʼALAJSAJ RE KʼUTUNÏK REʼ:
¿Achkë utziläj samajbʼäl xkiksaj ri Tijoxelaʼ chrij le Biblia pa junaʼ 1914 rchë xkitzjoj ri kantzij, chqä achkë utzil xkïl?
¿Achkë kʼayewal xkiqʼaxaj ri qachʼalal pa junaʼ 1916 chqä 1918, y achkë rubʼanik xtzʼetetäj chë Jehová xkʼwaj bʼey chwäch ri rutinamit?
¿Achkë xkiʼän ri qachʼalal rchë ma xkiqʼäj ta rutzij Jehová tapeʼ xyaʼöx kʼayewal pa kiwiʼ?
¿Achkë xqʼax chkiwäch ri rusamajelaʼ Jehová pa junaʼ 1935, y achkë xkichäp xkiʼän taq xkitamaj riʼ?
We atzʼeton chik re exposición reʼ o jun chik ri kʼo pa sucursal, ¿achkë xbʼanö chë xakʼuqbʼaʼ más akʼuʼx chë Jehová najin nukʼwaj bʼey chwäch ri rutinamit chqä nuchajij?