RI QAKʼASLEMAL RÖJ RI CRISTIANOS
Jehová xksaj ri loqʼoläj ruchqʼaʼ rchë xbʼan jun nüm samaj
Chkipan ri junaʼ ye qʼaxnäq pä, ri rusamajelaʼ Jehová kan kʼïy nimaläj taq samaj kibʼanon pä. Ye kʼa kibʼanon ronojel riʼ rma Jehová yerutoʼon pä, y ma rma ta chë kan kʼïy yekowin nkiʼän. Pa junaʼ 1954, ri rutinamit Dios xuʼän ri película La Sociedad del Nuevo Mundo en acción, pa inglés. Kan konojel bʼaʼ chkë ri xebʼanö ri película riʼ majun ta kitaman chrij ri kibʼanik películas. Re nimaläj samaj reʼ xa xuʼ xkʼis rubʼanik rkʼë rutoʼik ri loqʼoläj ruchqʼaʼ Jehová. Reʼ nukʼüt chqawäch chë, we nqakʼuqbʼaʼ qakʼuʼx chrij Jehová, xtqkowin xtqaʼän xa bʼa achkë samaj xtyaʼöx chqë (Zac 4:6).
TAQ XATZʼËT YÄN RI VIDEO ¿ACHKË RUBʼANIK XBʼAN RI PELÍCULA «LA SOCIEDAD DEL NUEVO MUNDO EN ACCIÓN»?, KEʼAQʼALAJSAJ RE KʼUTUNÏK REʼ:
¿Achkë rma xbʼan jun película ri xtzjoj rij ri central mundial?
¿Achkë rubʼanik xkʼüt ri película chë Betel nsamäj kan achiʼel nsamäj jun chʼakulaj? (1Co 12:14-20).
¿Achkë kʼayewal xkïl ri qachʼalal, y achkë rubʼanik xeqʼax chkiwäch ri kʼayewal riʼ?
¿Achkë nukʼüt reʼ chawäch chrij ri loqʼoläj ruchqʼaʼ Jehová?