NA’OJ 16

Takʼuqbʼaʼ kikʼuʼx ri yekʼoxan awchë

Job 16:5

RI NTEL CHË TZIJ: Natäj aqʼij rchë nakʼüt achkë rubʼanik yesol ri kʼayewal chqä nakʼuqbʼaʼ kikʼuʼx ri yekʼoxan awchë.

Ma taquʼ ta itzel chkij ri yekʼoxan awchë. Tayaʼ chwäch awan chë ri qachʼalal kan nkajoʼ wä nkiʼän ri nqä chwäch Jehová. Chqä, taq rït xtayaʼ jun kinaʼoj, naʼäy kʼo chë nakʼuqbʼaʼ kikʼuʼx rkʼë ronojel awan.

Ma tamestaj chë ri ajowabʼäl, ya riʼ kʼo ta chë nbʼanö chawä chë yatzjon. Katzeʼen apü kikʼë ri yekʼoxan awchë, ke riʼ más junan nuʼän awäch kikʼë.
Ma katzjon ta más chkij ri kʼayewal yebʼanatäj. We nkʼatzin chë natzjoj apü jojun kʼayewal chpan ri atzijonem, xa xuʼ jun kayoxiʼ keʼatzjoj apü. Ri atzijonem kʼo ta chë nukʼüt utziläj taq naʼoj ri nukʼuqbʼaʼ kikʼuʼx ri yekʼoxan awchë.
Kan pa rubʼeyal taksaj ri Ruchʼaʼäl Dios. Takʼutuʼ achkë rubʼanon Jehová pa kiwiʼ ri winäq, ri najin nuʼän komä chqä ri xtuʼän chqawäch apü. Takʼuqbʼaʼ kikʼuʼx ri yekʼoxan awchë y tayaʼ chwäch kan nkiyoʼej ri utzil ye rutzujun Dios.