Nukamsaj rchaqʼ rma kowan xpë ryowal

Taq Adán y Eva xeʼelesäx äl pa jardín de Edén, xejeʼ kʼïy kalkʼwal. Ri naʼäy chkë ryeʼ Caín rbʼiʼ. Ri rsamaj ryä ya riʼ nutïk frutas chqä verduras. Ri rkaʼn kalkʼwal Abel rbʼiʼ, y rsamaj ryä ya riʼ yeryuqʼuj karneʼl.

Kʼo jun qʼij, Caín y Abel kʼo jun xkispaj che rä Jehová. Jehová kan xqä chwäch ri xyaʼ Abel, pero ma xqä ta chwäch ri xyaʼ Caín. Rma riʼ Caín kowan xpë ryowal. Jehová xuʼij reʼ che rä: «Ri ayowal xa xtuʼän chë kʼo ma ütz ta xtaʼän». Pero Caín ma xnmaj ta tzij.

Pa rkʼexel riʼ, Caín xuʼij reʼ che rä Abel: «Joʼ wkʼë pa jyuʼ». Taq xa kiyonïl ye kʼo chriʼ, Caín xbʼä chrij rchaqʼ y xkamsaj. ¿Achkë xuʼän Jehová? Ryä xuʼän chë Caín xbʼä äl näj che rä rfamilia, y ma xtkowin ta wä chik xttzolin pä.

¿Achkë nqatamaj qa chrij reʼ? Taq kʼo ma ütz ta ntel chqawäch, rkʼë jbʼaʼ npë qayowal. Y si nqanaʼ chë xa najin npë más qayowal —o ri nkʼaj chik nkitzʼët chë kʼo qayowal— nkʼatzin nqajäl qanaʼoj. Si ma xtqaʼän ta riʼ, rkʼë jbʼaʼ kʼo jun ma ütz ta xtqaʼän, y ya riʼ kan ma xtqä ta chwäch Dios.

Abel kowan xrajoʼ Jehová chqä xnmaj rtzij, rma riʼ Jehová majun bʼëy xtmestaj ta. Dios xtyaʼ chik jmul rkʼaslemal Abel taq xtuʼän chë le Rwachʼlew xtbʼeʼok jun paraíso.