¿Nbʼanon chik jontir ri najowatäj?
¿Nbʼanon chik jontir ri najowatäj rchë ntzjoj le Biblia rkʼë ri congregación?
Tapeʼ rït ma yït qasan ta na pa yaʼ, rkʼë jbʼaʼ ütz chik yatel chutzjoxik le Biblia we...
... rukʼulun chawä natjoj awiʼ chrij le Biblia, yachʼö rkʼë Dios chqä yatapon pa qamoloj.
... kan naloqʼoqʼej chqä nanmaj ri najin natamaj y nawajoʼ natzjoj chkë ri nkʼaj chik.
... nawajoʼ Jehová chqä yït oknäq kichiʼil winäq ri nkajoʼ ryä.
... ma ayujun ta chik awiʼ pa política o chkipan ri religiones ri ma pa rubʼeyal ta nkiyaʼ ruqʼij Dios.
... akʼwan jun kʼaslemal ri nqä chwäch Dios chqä nawajoʼ yatok testigo de Jehová.
We rït nanaʼ chë abʼanon chik jontir ri najowatäj rchë yatel chutzjoxik le Biblia rkʼë ri congregación, ri najin nyaʼö atjonik xtuʼij riʼ chkë ri ukʼwäy taq bʼey, y ryeʼ xketzjon awkʼë rchë xtkitzʼët we abʼanon chik jontir ri najowatäj rchë naʼän riʼ.
¿Nbʼanon chik jontir ri najowatäj rchë yiqasäx pa yaʼ?
Rït rkʼë jbʼaʼ ütz chik yaqasäx pa yaʼ we...
... najin chik natzjoj le Biblia tapeʼ majanä yaqasäx pa yaʼ.
... najin naʼän jontir ri kʼo pan aqʼaʼ rchë natzjoj le Biblia.
... najin yatoʼon rkʼë «ri utziläj samajel ri kan kʼo runaʼoj» chqä naʼän jontir ri nuʼij pä chqë (Mateo 24:45-47).
... yït chʼonäq chik rkʼë Jehová rchë najäch awiʼ pa ruqʼaʼ chqä abʼin chik che rä chë nawajoʼ nayaʼ ruqʼij chpan akʼaslemal.
We rït nanaʼ chë abʼanon chik jontir ri najowatäj rchë yaqasäx pa yaʼ, ri najin nyaʼö atjonik xtuʼij riʼ chkë ri ukʼwäy taq bʼey, y ryeʼ xketzjon awkʼë rchë xtkitzʼët we abʼanon chik jontir ri najowatäj rchë naʼän riʼ.