TJONÏK 18
¿Achkë rubʼanik natamaj achkë riʼ ri kantzij taq cristianos?
Kan pa millón winäq nkiʼij chë ye cristianos, ye kʼa ma jontir ta junan ri nkinmaj nixta junan ri naʼoj nkismajij pa kikʼaslemal. Rma riʼ, ¿achkë rubʼanik nqatamaj achkë riʼ ri kantzij taq cristianos?
1. ¿Achkë riʼ jun kantzij cristiano?
Cristianos, ya riʼ nbʼix chkë rutzeqelbʼëy Jesucristo (taskʼij ruwäch Hechos 11:26) ¿Achkë rubʼanik nkikʼüt ryeʼ chë kantzij najin nkitzeqelbʼej? Jesús xuʼij: «We kan xtiʼän ri xinkʼüt chiwäch, xtqʼalajin chiwij chë kantzij yïx nutzeqelbʼëy» (Juan 8:31). Reʼ ntel chë tzij chë ri kantzij taq cristianos kʼo chë nkiʼän jontir ri xkʼüt qa Jesús. Ryeʼ kan chpan le Biblia nkesaj wä pä ri nkinmaj, kan achiʼel xuʼän Jesús rkʼë Ruchʼaʼäl Dios ojer (taskʼij ruwäch Lucas 24:27).
2. ¿Achkë rubʼanik nkikʼüt ri kantzij taq cristianos chë yejowan?
Jesús xuʼij reʼ chkë rutzeqelbʼëy: «Tiwajowalaʼ iwiʼ chiwäch kan achiʼel yixinjowan pä rïn» (Juan 15:12). ¿Achkë rubʼanik xkʼüt Jesús chë xerajoʼ ri rutzeqelbʼëy? Ryä xjäm ruwäch rchë xjeʼ kikʼë, xkʼuqbʼaʼ kikʼuʼx, xerutoʼ chqä xyaʼ rukʼaslemal pa kamïk kimä ryeʼ (1 Juan 3:16). Ye kʼa achiʼel xuʼän Jesús, ri kantzij taq cristianos ma xa xuʼ ta nkiʼij chë yejowan, xa kan nkikʼüt rkʼë ri nkiʼij chqä rkʼë ri nkiʼän chë kan nkajoʼ kiʼ.
3. ¿Achkë samaj kiyaʼon kan ri kantzij taq cristianos chrij?
Jesús xyaʼ qa jun samaj pa kiqʼaʼ ri rutzeqelbʼëy, «ryä xerutäq äl rchë nkibʼetzjoj ri Ruqʼatbʼäl Tzij Dios» (Lucas 9:2). Ri naʼäy taq cristianos ma xa xuʼ ta xkitzjoj Ruchʼaʼäl Dios akuchï nkimöl wä kiʼ, xa kan xkitzjoj chqä Ruchʼaʼäl Dios chiʼ taq jay chqä akuchï nkimöl wä kiʼ ye kʼïy winäq (taskʼij ruwäch Hechos 5:42; 17:17). Komä chqä, ri kantzij taq cristianos nkitzjoj Ruchʼaʼäl Dios xa bʼa akuchï yekïl wä winäq. Y rma kan kowan yekajoʼ, ryeʼ kan rkʼë ronojel kan nkiksaj ki-tiempo chqä kichqʼaʼ rchë nkikʼuqbʼaʼ kikʼuʼx ri winäq rkʼë le Biblia (Marcos 12:31).
TQATAMAJ MÁS CHRIJ RE NAʼOJ REʼ
Tqatzʼetaʼ achkë rma ma ye junan ta ri kantzij taq cristianos kikʼë nkʼaj chik winäq ri ma nkikʼän ta kinaʼoj chrij Jesús nixta nkiʼän ri xkʼüt qa ryä.
4. Ryeʼ nkikanuj ri kantzij ri kʼo chpan le Biblia
Ri naʼäy taq cristianos kan xkiloqʼoqʼej Ruchʼaʼäl Dios.
Ma jontir ta winäq ri nkiʼij chë ye cristianos nkiloqʼoqʼej ri naʼoj ye kʼo chpan le Biblia. Titzʼetaʼ ri VIDEO y kixtzjon chrij reʼ:
Jojun Iglesias ri nkiʼij chë ye cristianas xkajoʼ xkiqʼät chkiwäch ri winäq rchë nkitamaj chrij ri xkʼüt qa Jesús, ¿achkë rubʼanik xkiʼän riʼ?
Jesús xkʼüt ri naʼoj ye kʼo chpan Ruchʼaʼäl Dios chkiwäch ri winäq. Tiskʼij ruwäch Juan 18:37 y kixtzjon chrij reʼ:
Rkʼë ri xuʼij qa Jesús, ¿achkë rubʼanik nqatamaj achkë winäq nkikʼüt ri kantzij chrij Dios?
5. Ryeʼ nkitzjoj ri kantzij kʼo chpan le Biblia
Ri naʼäy taq cristianos xkitzjoj Ruchʼaʼäl Dios.
Taq Jesús majanä wä tbʼä chkaj, ryä xyaʼ qa jun samaj pa kiqʼaʼ ri rutzeqelbʼëy ri kʼa najin na nbʼan komä. Tiskʼij ruwäch Mateo 28:19, 20 chqä Hechos 1:8, y kixtzjon chrij reʼ:
¿Kʼa akuchï kʼo chë ntzjöx wä Ruchʼaʼäl Dios y ajän xtkʼis rutzjoxik?
6. Ryeʼ kan nkismajij ri nkikʼüt
¿Achkë rma jun achï ri rubʼiniʼan Tom xyaʼ chwäch ran chë xrïl ri kantzij taq cristianos? Titzʼetaʼ ri VIDEO y kixtzjon chrij reʼ:
Achiʼel xqatzʼët qa chpan ri video, ¿achkë rma ri religiones xa xkiyaʼ bʼis pa ran Tom?
¿Achkë rma Tom kan ruyaʼon chwäch ran chë xrïl ri religión ri nqä chwäch Dios?
Rkʼë ri yeqaʼän nqakʼüt we kantzij yoj rutzeqelbʼëy Jesús. Tiskʼij ruwäch Mateo 7:21 y kixtzjon chrij reʼ:
¿Achkë kʼo más ruqʼij chwäch Jesús: ri yeqaʼij o ri yeqaʼän?
7. Ryeʼ kan nkajowalaʼ kiʼ chkiwäch
Ri naʼäy taq cristianos xkajowalaʼ kiʼ chkiwäch.
¿Kiyaʼon komä ri cristianos kitoʼik ri kichʼalal chpan ruchʼaʼäl Dios tapeʼ rkʼë jbʼaʼ xkïl ta kamïk? Titzʼetaʼ ri VIDEO y kixtzjon chrij reʼ:
¿Achkë xbʼanö che rä ri qachʼalal Lloyd rchë xtoʼ ri qachʼalal Johansson tapeʼ rkʼë jbʼaʼ xkamsäx ta?
¿Naʼij rït chë ryä xkʼüt runaʼoj jun kantzij cristiano?
Tiskʼij ruwäch Juan 13:34, 35 y kixtzjon chrij reʼ:
¿Achkë kinaʼoj kʼo chë nkiʼän ri rutzeqelbʼëy Jesús —ri kantzij taq cristianos— kikʼë ri winäq ri jun chik kijatzul o kitinamit?
¿Y achkë rubʼanik yekowin nkiʼän riʼ taq ri tinamït nkiʼän chʼaʼoj chkiwäch?
JOJUN WINÄQ NKIʼIJ REʼ: «Jontir ri cristianos nkiyaʼ ruqʼij Dios tapeʼ xa bʼa achkë na religión ye bʼenäq wä».
¿Achkë ta texto xtaksaj rït rchë xtakʼüt achkë riʼ ri kantzij taq cristianos?
RI XQATAMAJ QA
Ri kantzij taq cristianos kan nkismajij ri naʼoj ye kʼo chpan le Biblia, ma nkikʼewaj ta yekitoʼ ri nkʼaj chik rma yekajoʼ y nkitzjoj ri kantzij kʼo chpan le Biblia.
Tqakamluj ri xqatzʼët qa
¿Akuchï kesan wä pä ri nkinmaj ri kantzij taq cristianos?
¿Achkë naʼoj kʼo chë nqʼalajin chkij ri cristianos rchë ntzʼetetäj chë kantzij ye rutzeqelbʼëy Jesús?
¿Y achkë samaj yaʼon qa pa kiqʼaʼ rchë nkiʼän?
RCHË NATAMAJ MÁS
Tatamaj más chkij jun molaj winäq ri nkitäj kiqʼij rchë nkikʼän kinaʼoj chrij Jesús chqä nkismajij ri xkʼüt qa ryä.
Tatzʼetaʼ achkë rubʼanik jun ixöq ri xok monja ojer xnaʼ chë kʼo chpan jun «utziläj familia».
«Xkiqʼalajsaj jontir ri nkʼutunik rkʼë le Biblia» (Ri Chajinel, 1 de abril, 2014)
Tatzʼetaʼ achkë rubʼanik ri kantzij taq cristianos nkikʼüt chë kan nkajoʼ ri kichʼalal chpan ruchʼaʼäl Dios taq nkiqʼaxaj jun kʼayewal.
Yeqatoʼ ri qachʼalal taq nbʼanatäj jun mamaʼ kʼayewal (koʼöl peraj) (3:57)
Jesús xuʼij qa achkë kʼo chë nqʼalajin chkij ri kantzij rutzeqelbʼëy. Tatzʼetaʼ achkë rubʼanik xqʼalajin riʼ chkij ri naʼäy taq cristianos y achkë rubʼanik nqʼalajin riʼ chkij ri kantzij taq cristianos ri ye kʼo komä.
«¿Achkë kʼo chë nqʼalajin chkij ri kantzij taq cristianos?» (Ri Chajinel, 1 de marzo, 2012)