¡Xa rma kan tzeʼël xtzuʼun!

Ya Helen kʼo chrij exhibidor chqä kan tzeʼël ntzuʼun taq ye kaʼiʼ qʼopojiʼ najin yeqʼax äl chwäch.

YE KAʼIʼ qʼopojiʼ junan wä ye bʼenäq akuchï kan ruyon kʼayij ye kʼo chpan ri tinamït Baguio (Filipinas). Ryeʼ xkitzʼët jun exhibidor, ye kʼa ma xejelun ta apü rkʼë. Ya Helen, ri qachʼalal ri kʼo wä chrij exhibidor, kan tzeʼël xtzuʼun apü kikʼë. Ri qʼopojiʼ jïk xeqʼax äl, ye kʼa kan ma xkimestaj ta ri rachbʼäl qachʼalal rma kan tzeʼël xtzuʼun äl kikʼë.

Jbʼaʼ chrij riʼ, taq ye bʼenäq wä pa camioneta rchë yetzolin chkachoch, xkitzʼët chë chwäch jun Salón del Reino tzʼibʼatäl jw.org. Ryeʼ xnatäj chkë chë kan ya riʼ wä ri letras xkitzʼët chwäch ri exhibidor. Rma riʼ, xeqä qa chpan ri camioneta y xkitzʼët achkë qʼij chqä achkë hora yebʼan ri jalajöj taq moloj chpan ri Salón del Reino riʼ.

Ri kaʼiʼ qʼopojiʼ riʼ najin yeʼok apü pa Salón del Reino chqä tzeʼël yetzuʼun taq xkitzʼët ya Helen.

Ri kaʼiʼ qʼopojiʼ riʼ xebʼä pa jun moloj. Y ¿achkë naʼäy xkitzʼët taq xeʼok apü chpan ri Salón del Reino? Xkitzʼët apü ya Helen. Ryeʼ kan chanin xkitamaj ruwäch rma kan tzeʼël ntzuʼun. Ya Helen nuʼij: «Taq najin wä yejelun pä wkʼë, xinxiʼij jbʼaʼ wiʼ. Xinquʼ rïn chë rkʼë jbʼaʼ kʼo jun ma ütz ta xinbʼän». Ye kʼa ri qʼopojiʼ riʼ xkiʼij che rä ya Helen achkë wä xbʼanatäj.

Ri kaʼiʼ qʼopojiʼ riʼ kan xqä chkiwäch ri moloj y kan jaʼäl xkinaʼ xejeʼ kikʼë ri qachʼalal. Taq xkʼis ri moloj, ryeʼ xkitzʼët chë ri qachʼalal xkichäp rujosqʼixik ri Salón, rma riʼ kan xetoʼon qa. Komä, jun chkë ri qʼopojiʼ riʼ ma kʼo ta chik chpan ri tinamït riʼ. Ye kʼa ri jun chik qʼopoj najin nbʼä chkipan ri qamoloj chqä najin nyaʼöx jun rutjonik chrij le Biblia. Jontir reʼ xbʼanatäj... ¡xa rma jun qachʼalal kan tzeʼël xtzuʼun!