Kan ütz tqaksaj ri espejo

Santiago xuʼij chë le Biblia achiʼel jun espejo ri nqrtoʼ rchë nqatzʼët achkë qanaʼoj (Sant. 1:22-25). Ye kʼa, ¿achkë ütz nqaʼän rchë kan ütz nqaksaj ri espejo riʼ?

Ma chanin ta tqaskʼij rwäch Rchʼaʼäl Dios. We röj kan chanin nqatzʼët qiʼ pa jun espejo, rkʼë jbʼaʼ ma xtqatzʼët ta achkë nkʼatzin nqaʼän rbʼanik. Ke riʼ chqä xtbʼanatäj qkʼë we chanin nqaskʼij rwäch le Biblia, ma xtqatzʼët ta achkë nkʼatzin nqajäl. Rma riʼ nkʼatzin eqal eqal nqaskʼij rwäch.

Más tqatzuʼ qa qiʼ röj chwäch yeqatzuʼ nkʼaj chik. We röj nqayaʼ jun espejo akuchï ye kʼo nkʼaj chik winäq, xtqkowin xkeqatzʼët ri winäq riʼ chpan ri espejo chqä xtqatzʼët we ütz yeqʼalajin o manä. Ke riʼ chqä nbʼanatäj qkʼë taq nqaskʼij rwäch le Biblia, rkʼë jbʼaʼ xa yë ri nkʼatzin nkijäl nkʼaj chik ya riʼ nqaquʼ. Ye kʼa, we xtqaʼän riʼ, rkʼë jbʼaʼ ma xtqatzʼët ta achkë nkʼatzin nqajäl röj.

Kan pa rbʼeyal tqatzʼetaʼ qa qiʼ. Si röj xa xuʼ ri ma nqä ta chqawäch ya riʼ nqatzʼët qa chqij chpan jun espejo, rkʼë jbʼaʼ xa xtqbʼison. Rchë ma nbʼanatäj ta ya riʼ qkʼë taq nqaskʼij rwäch le Biblia, kan pa rbʼeyal tqatzʼetaʼ qa qiʼ y ma tqamestaj ta chë Jehová ma nukʼutuj ta chqë ri ma nqkowin ta nqaʼän (Sant. 3:17).