TINKÖÖKÖ 11
Hökngen Në Tövīlöng Nö Ha-öönyö Yāvē
(Salmai 19)
1. Kirööngen në la-en ngam Tēv Yāvē,
Vënyö ṙôken kumlē ngam Tēv Yāvē.
Öt ṙô-òvö sön nöng ha-öönyö ò;
Nöng vënyö ṙôken ngam minhôyö ò.
Öt ṙô-òvö sön nöng ha-öönyö ò;
Nöng vënyö ṙôken ngam minhôyö ò.
2. Yöng ṙôken ṙāi nun në töng chööngö meh
Yanöölen ih min yěi hang chööngö meh.
Kamëtö nômö inchōkū inrē—
In yip tököiny yip tö ayal inrē.
Kamëtö nômö inchōkū inrē—
In yip tököiny yip tö ayal inrē.
3. Yěi ṙamölōn min hang nup chööngö meh
Minlēken ih nö kētuvö tö meh.
Harōilen ngam minënyö meh in yē
Chö-önylōn ih hēk kuilōn ih inrē.
Harōilen ngam minënyö meh in yē
Chö-önylōn ih hēk kuilōn ih inrē.
(Ngëichkö në inrē Sal. 12:6; 89:7; 144:3; Rōm. 1:20.)