Löktö Nup Ṙanamlōn Hī

1. Pōyen löktö nup min ṙanamlōn,

Yěn teung nup kinlēngô Yāvē.

Yē hī öi ṙòkhöre ha-öönyan

Havīlen ngam kantēra ò.

Öt höng tötöl nun nö ṙanamlōn,

Pön kumṙen nup töng ṙô Yāvē.

Lökten öi hòṅ kē në inlēnö;

Hôiṅ teūngen min töm inkòlô.

Havīlen hī nun në kanihngen,

Öt hō pöri öi öt mihôiṅ.

Pön holṙen hī min ngam Tēv Yāvē,

Öi la-al në kanihngenre.

2. Ṙamlōn in yěi meuk në la-en ò,

Halīngö, töm mai, töng panam.

Kô-en hòṅ chumkūṙen yěi ngëicha,

La-en nun nö minhôyö ò.

Lökten töi holṙô re ha-öönyan,

Öi vënyöm yöng minhôyö ò.

Inkòlô inrē min aṅ in ò,

Raneushö hī yěi löklōn ò

Röhta nup min ngaich ṙanamlōn hī,

Yěn teung min nup kinlēngô ò.

Kumṙen ngam inyööngö töm pūlngö

Töt chuhngöre ṙanamölōn.