Kö Aṙēlen Höö

1. Hangenlōn ang Yāvē,

Kēngöm kūnre pô kū hī

Nö aṙēlö në tökööl hī

Pô hī sōtu öi kapah.

Yěi kô-en min öi haṙivlōn

Teūngen min tö inṙē-ěl,

Löktö im ṙāi ṙinānyi min,

Öi aṙēlöng tö Yāvē.

2. Teūngen töm inṙē-ěl,

Yěi asīnköm Tēv Yāvē

Öi aṙēḵlö yip töng holre,

Hameuktöm miṙēlōnre.

Keunlöre tö miṙivlōn höö,

Uh inrē öi chökhu ṙô;

Kö aṙē-ĕlōn yē tö höö

Sā ò nöng aṙēlen hī.

3. Tövai ngam miṙēḵlōn

Yē e nö tinrīken hī.

Öt havahalre min öi hō,

Yē hī öi ötlēkaṙen.

Yē hī min asīnken Yāvē,

Ngam töhangenlōn tö hī,

Ngaich kô-en min aṙēlen höö,

Sā ngam yöng hī ang Yāvē.