Yöngrelōn tö Më Tököinyö Ṙēti, Kanānörelōn tö Më tö Sā Ṙēti Meh

Vë-eny nang hī ön ngam Paipöl tö hi öi hòṅ yöngrevölōn tö më kikōnyö kikānö hēk kahēmrevölōn tö yip sā ṙēti re (Vë-evkūö 1 Timòtī 5:1, 2.) Hòṅ mötlö inlahen yin më prötör nö hameūktö ngam minlēḵren re tö më sistör.

Öt kò më prötör nö nyamkö inlahenre nö yikhangā pön piyū-en min më sistör nö el hòi chā. (Yōp 31:1) Öp tö öl nö pīhövö prötör öt kò anga-aṅ nö nyamkö inlahen re nö hameuktöre nö sā tö hangenlōn nö in öp sistör nöng hö-ö.

Hòṅ chumkūöṙen yip minṙöinylen nö in yip sistör ngaich hangihtöre inrē tö nup ṙò cha. Mötlö inlahen chumkūöṙen më minṙöinylen nö in yip tö öl nö pīhövö.—Rūt 2:8, 9.

NGËCHKÖM VITIŌ MÖSIHĪ PHĀI PEHENÒṄ SĒ PIĀR KÖRTĒ RÖHIYĒ—VITVĀÒṄ ÔR ANATHÒṄ SĒ, NGAICH SAPṘÔ NË INTÖÖNÖ:

• 

  Sitih inlahen yik aṅ el ngam maṅ nö hameūktö hanangenlōnre tö Sistör Mint?

• 

  Sitih inlahen ngam hanagenlōn më aṅ el ngam māṅ nö vaiyö mineūkö tö më aṅ ngam panam?

• 

  Ngam hanagenlōn më aṅ el ngam maṅ sitih inlahen angu-ö nö lökngöre tī tö mina kūön Sistör Mint?

Asuh nup öre inlahen meh öm hameūktö hanangenlōnre tö më sistör el ngam māṅ?