Asīöp Ngam Ṙinatö-ellōnre In Yāvē hēk Yēsū Öm Im Līpöre Mihôiṅ Man Örheūheu Ṙāmlōn!

Yěn hòṅ asīöp ngam ṙinatö-ellōn re ngam mahaköp ngaich hòṅ haṙamlōn ngam Tēv anga-aṅ. (Hep 11:6) Yěn hòṅ ngatī inlahen anga-aṅ ngaich hòṅ hayööken ò ayī-ö. Pön angū-ö chö-öny ngih līpöre Mihôiṅ Man Örheūheu Ṙāmlōn! nö halēnlöng. Ngih līpöre töhakööpö teūngen öp mahaköp nö in e pön kētu minë tövai miröökö, lööṙen mikah elnang, tö lökngöre tī intöönö hēk tö minë vitiō tö minë tövai nyat inrē. In u nup tinrīken më Kristīön nö hayööken ngam mahaköp nö havai ngam inôlö re nö in ngam Tēv. Sā mamān öp patī min anga-aṅ öp töt öktīkūö tö kūö tameūyö.—1Kò 3:12-15.

Ōt yip tarik töt akahakūö tö inlahen re nö vī ngam Tēv nö holre pò hī öt meūkkö ò. Lökten ayī-ö hòṅ heuveū-en öi haköpten cha hòṅ cha nö akahakūö tö Yāvē hēk ṙatö-ellōnre nö in ò.

NËCHKÖ NGAM VITIŌ ṘINATÖ-ELLŌNRE IN YĀVĒ, “MIHÔIṄ MAN ÖRHEŪHEU ṘĀMLŌN!” NGAICH KĒTÖ SANAPṘÔ NË INTÖÖNÖ:

• Kūö yòh öi mihôiṅ ngö ṙô tö ngam sistör nö lēntöhëich tī tö ngam istötī re?

• Sitih mikah elnang ngam mahaköp tö manah ngam Isayā 41:10, 13 ngaich sitih inlahen ṙô ngam sistör nö hatöönö ò?

• Asūp lanökngöre ngam mahaköp nö löktö in ngam vitiō hēk in minë miröökö aṅ mat ngam Paipöl?

Öt yip tarik töt akahakūö tö chö-öny ngam tökitaknyu mahām Kristū, öt akahakūö inrē cha-a tö ngam Tēv nö chö-önyten tö cha nö kēngen ngam töng hěng maneuk kūön re. (Kal 2:20) Lökten ayī-ö hòṅ asīöp ngam ṙinatö-ellōn cha nö in ngam tökitaknyu mahām Yēsū.

URĔH NGËICHKÖ NGAM VITIŌ ASĪÖP NGAM ṘINATÖ-ELLŌNRE IN YĒSŪ, MIHÔIṄ MAN ÖRHEŪHEU ṘĀMLŌN!” NGAICH MÖL SAPṘÔ MINË INTÖÖNÖ:

• Kūö yòh öi mihôiṅ ngö ṙô tö ngam prötör nö lēntöhëich tī tö ngam istötī re?

• Sitih inlahen ngam prötör nö hayööken ngam mahaköp nö heuveū-en nö chuh im “Chinööhö” sëksön?

• Kūö yòh öi hòṅ vë-elkui ngam töhaköptu?